مش هتصدقوا الطعم!.. ازاي تعملوا طاجن تورلي باللحمة والخضار زي المطاعم بخطوات بسيطة وطعم يجنن! مصر سبورت

مكونات طاجن التورلي باللحمة والخضار

علشان تعملي الطاجن بالطريقة الصح، هتحتاجي المكونات دي:

كيلو لحمة ضاني متقطعة مكعبات صغيرة علشان تستوي بسرعة.

حبة باذنجان رومي متقطعة شرائح.

2 حبة بطاطس متقطعة مكعبات.

3 حبات كوسا متقطعة حلقات.

2 حبة جزر متقطعة مكعبات.

ربع كيلو فاصوليا خضراء.

ربع كيلو بسلة.

3 بصلات كبار مفرومين.

3 فصوص ثوم مفرومين ناعم.

كوب عصير طماطم طبيعي.

2 حبة فلفل رومي متقطعين شرائح.

نصف ملعقة كبيرة بهارات مشكلة.

ملح وفلفل أسود حسب الرغبة.

4 ملاعق صغيرة سمنة للطعم المميز.

علشان تحصلي على طاجن تورلي بطعم غني ومميز، اتبعي الخطوات دي:

في طاسة على النار، سخني معلقتين سمنة وضيفي البصل، وقلبيه لحد ما يذبل وياخد لون دهبي فاتح.
ضيفي مكعبات اللحمة وقلبيها كويس لحد ما لونها يتغير وتنزل العصارة بتاعتها.
بعد كده، ضيفي الفلفل الرومي والثوم والبهارات، وقلبيهم مع بعض لمدة دقيقتين.
اسكبي عصير الطماطم على الخليط، وسيبيه يغلي لمدة 7 دقائق علشان الصوص يتسبك شوية.
في طاسة تانية، سخني معلقتين سمنة وضيفي البطاطس، الباذنجان، الكوسا، والجزر، وشوحيهم على نار متوسطة لحد ما يبدأ لونهم يتغير.
في طاجن فخار أو صينية فرن، ضيفي الخضار المشوح، وبعدها صبي خليط اللحمة وعصير الطماطم فوقهم.
وزعي الفاصوليا والبسلة في الطاجن، ورشي رشة ملح خفيفة لو لسه محتاج.
غطي الطاجن بورق فويل أو غطاء مناسب، وادخليه فرن سخن على درجة حرارة 180 لمدة 45 دقيقة لحد ما الخضار واللحمة يستووا تمامًا.
بعد ما يستوي، طلعيه من الفرن وقدميه سخن مع طبق أرز بالشعرية وسلطة خضراء علشان الوجبة تبقى متكاملة.

مش هتصدقوا الطعم!.. ازاي تعملوا طاجن تورلي باللحمة والخضار زي المطاعم بخطوات بسيطة وطعم يجنن!