رحل العالمي أحمد حسام ميدو عن منصبه في لجنة التخطيط في الزمالك وذلك بعد أن قدم فترة مميزة ونجح في تحقيق العديد من النجاحات في الفارس الأبيض، وتعرض ميدو للانتقادات قبل رحيله بفترة حتى وجاء رحيله بشكل مفاجئ بعد أن كان حاصل على ضمانات من مجلس إدارة الفريق برئاسة حسين لبيب.
تصريحات ميدو بعد الرحيل عن العمل الإداري في الزمالك
وصرح ميدو في بيان رسمي نشره عبر منصىة إكس وقال: “اللي بيحصل في الزمالك دلوقتي عظمه وطول عمري بحلم إن فريق الكرة يتقفل عليه ويبقى معسكر الزمالك كأنه ثكنة عسكرية وأنا متفائل خير إن فريق الكرة على الطريق الصحيح”.
.وأضاف: “بقالنا سنين بنعاني من تسريب أخبار الفريق بقالنا سنين بنعاني من الناس اللي فاكرين الزمالك ورث شرعي وإن الشغل فيه حق مكتسب حتى ولو ماعندكش أي مؤهلات”.
وتابع: “أنا والله ما ليا مصلحة مع أي حد جوه النادي دلوقتي ولا حتى بتكلم مع أي حد جوه النادي لا بكلم حد ولا برد على حد وقررت إن الفترة الحالية أرجع مشجع بس أرجع أروح ماتشات الزمالك من غير ما يكون ما بيني وما بين أي مسؤول في النادي أي كلام”.
وأتم ميدو تغريدته: “أنا كزمالكاوي مبسوط جدا ومتفائل إن شاء الله الزمالك بنظامه الاحترافي الجديد هيكون منافس قوي على كل البطولات اللي هيشارك فيها الموسم ده”.
