أحمد ناجي: لو استمر عصام الحضري مع الأهلي كان وضعه اختفله.. والناس اللي تحكم مين الأسطورة والهرم الرابع

انتقد أحمد ناجي مدرب حراس النادي الأهلي ومنتخب مصر السابق، تصرفات الحارس الدولي السابق عصام الحضري، والذي تحدث في العديد من المراـن عن كونه أسطورة كرة القدم، واصفا نفسه بأنه الهرم الرابع في مصر، ويستعرض موقع تحيا مصر التفاصيل.

أحمد ناجي ينتقد عصام الحضري

قال أحمد ناجي: “الحضري لو كان كمل في الأهلي كان هيكون له وضع تاني خالص غير اللي هو فيه دلوقتي”.

وتابع عبر بودكاست “جول”: “محبة الناس دي بكنوز الدنيا كلها، الحضري بيقول علي نفسه أسطورة وأنا شايف غير كده، يعني المفروض الناس اللي تقول عليه أسطورة مش هو اللي بيقول علي نفسه أسطورة”.

وأكمل: “عمرك شوفت محمد صلاح بيقول علي نفسه أسطورة أو بيليه أو مارادونا، هل شوفت دول بيقول علي نفسهم أساطير،وكمان وطالع يقول هو الهرم الرابع طيب حط الحضري وحط صلاح وسيب الناس تختار مين الهرم الرابع”.

وأم: “هتلاقي الناس كلها بتختار صلاح، يعني الحضري شايف نفسك هرم رابع علي الكابتن الخطيب وحسن شحاته وطاهر الشيخ وأبو تريكة وكل دول، كلام مستفز جدا بيطلع من الحضري وبيكون مستفز للناس إنها تسمعه”.

موعد مباراة الأهلي والجونة في الدوري المصري الممتاز

ومن المقرر أن تنطلق صافرة مباراة الأهلي والجونة، في تمام السابعة مساء بعد غد الأربعاء المقبل الموافق 15 من يناير الجاري.

ويسعى المارد الأحمر، لتحقيق الفوز وخطف نقاط المباراة، حتى يتمكن من الحفاظ على تصدره لقمة ترتيب جدول الدوري المصري.

ترتيب الأهلي في الدوري المصري الممتاز

يحتل النادي الأهلي الصدارة برصيد 15 نقطة، جمعهم من خلال الفوز في 4 مواجهات، وتعادل في 3 مواجهات، ويبتعد بفارق نقطة وحيدة عن نادي الزمالك صاحب المركز الثاني.