أشار الفنان اللبناني جاد شويري، إن مشاهد القبلات تعبر عن حب ونراها في جميع السينمات، والمصرية أولها وأيضاً العربية والأجنبية، قائلاً: "ده مش هيبوظ فكر ووجدان الأطفال زي ما بيشوف كل يوم في قطاع غزة أولاد تذبح".

وأضاف جاد شويري، خلال حوار ببرنامج "حبر سري"، مع الاعلامية اسما ابراهيم، المذاع على قناة القاهرة والناس، أن أولادهم الصغار في العائلة يمنعهم من الكلام في الحرب ومشاهدة القتل والدمار، متابعا: "الأطفال نمنعهم عن الحرب في لبنان وده المرض الحقيقي وأنا شايف القبلة تعبير حب وبعيد عن العنف والقذارة اللي بنشوفها يوميا".

وتابع: "أنا ضد الطفل يكون موجود على السوشيال ميديا قبل فترة وسن معينة وممكن الأم تحجب حاجات معينة وممكن الأم تحجب العنف قبل القبلات، والطفل هيفزع من مشهد انسان يذبح انسان وده اللي نحاربه مش فن وأفلام".

في سياق متصل أكد  شويري، عدم ندمه على العمل مع أي شخص خلال مسيرته الفنية، قائلا: "لم أندم على أي حد اشتغلت معاه والناس اللي اختفوا في شغلي أنا كنت مخرج وفي أسماء استعراضيات اختفوا ودلوقتي ببص للحاجات اللي بعملها بطريقة تانية".

لم أقدم كليبات مبتذلة

وأوضح جاد شويري، أن ما قدمه قبل ذلك الان حدث اشياء متطورة عنه في السوشيال ميديا والتيك توك، مضيفا: "لو اتعرض عليا كليب من اللي كنت بقدمها زمان مش هعملها الآن ولم أقدم كليبات مبتذلة واللي مضياق مكنش يشوفها وبعمل اللي في مزاجي".

واستكمل الفنان اللبناني جاد شويري: "برامج المسابقات لاكتشاف المواهب تسلية ولكن لا تقلل من الفن وأنا اتشهرت منها وهي تسلية حاجة كويسة وليه دائما نفتكر أن التسلية حاجة وحشة ولكن أنا ضد شهرة الأطفال من هذه البرامج وده هيؤثر عليهم نفسيا".