حلت الفنانة ليلى زاهر ضيفة على بودكاست كلام عائلي وتحدثت من خلاله بالعديد من التصريحات الخاصة بحياته الشخصية، حيث تحدثت عن عدم حبها للقراءة وعن تأثير الفنان هشام جمال عن حياتها الشخصية.

ليلى زاهر: عايزة ابقي أم صغيرة وأكون قريبة من ولادي 

وقالت ليلى زاهر في تصريحات رصدها موقع تحيا مصر عن خطوبتها في سن مبكر:  عايزة أبقى أم صغيرة وقريبة من أولادها أنا مش من ضمن الناس اللي هتقول مش عايزة أبوظ جسمي وأحافظ على رشاقتي والكلام ده، كدة كدة كله بيبوظ وأنا العيلة بالنسبالي شيء مقدس وهشام جمال مصدر الأمان بالنسبالي.

وتحدثت ليلى زاهر عن تأثير هشام جمال على حياتها، قائلا: من ساعة ما حبيته وظهر في حياتي اتعلمت منه كتير وغيرت حاجات كتير في شخصيتي للأحسن ومخي نضج أكتر وبقيت أعبر عن مشاعري أكتر ومع كل اللي حواليا.. الحب حاجة جميلة جدا.

ليلى زاهر: أنا بتثقف من التيك توك ومبحبش القراءة 

وأشارت ليلى زاهر إلى أنها لا تحب القراءة على الإطلاق وتأخذ جميع معلوماتها من التيك توك، موضحة: أنا بتثقف من التيك توك وبجيب معلومات منه ممكن تكون غلط بس أنا مقتنعة بيها، لكن مبحبش القراءة أبدا كنت بجيب كتب ومش بقرأها وكنت بخلي اختي ملك هي اللي تقرألي السيناريوهات بس دلوقتي اتغيرت.

وعن كونها ابنة  أحمد زاهر، قالت ليلى: كوني بنت أحمد زاهر دي مسؤولية لازم أحافظ عليها، لكن الشاطر بيعرف يثبت نفسه واللي بالواسطة بيبان واللي بيشغلني أشوف أنا شاطرة ولا لا؟.

ليلى زاهر ومشاركتها في مسلسل أعلى نسبة مشاهدة 

هذا وكانت قد كشفت ليلى زاهر كواليس مشاركتها في مسلسل أعلى نسبة مشاهدة، فقالت في تصريحات تليفزيونية: الدور أول مرة أقدمه وكان تحدي، ونفسي أقدم حاجة صعبة ولكن كنت خايفة، مش عارفة المخرجة ياسمين شافت فيا إيه أو تخيلتني إزاي خصوصا أنها كانت مصرة عليا في البداية، كلمت المخرجة ياسمين كامل قبل التصوير بيومين وأنا منهارة قلت لها أنا خايفة، ومش هعرف أعمل الدور ده لأن الشخصية صعبة والجمهور هيكرهها.