كشف المهندس رامي الجبالي مؤسس ومدير مبادرة أطفال مفقودة، مستجدات واقعة التحرش بسيدة مصابة بالشلل داخل إحدى دور الرعاية غير المرخصة ، موضحا أن الدار تم غلقها.
وقال عبر حسابه على موقع التواصل الاجتماعي ، " اهو انا و الوزيرة مايا مرسي من وزارة التضامن الاجتماعي و فريق عملها و رجال التدخل السريع و رجال الصفحة الرسمية لوزارة الداخلية محدش فينا ساب تليفونه و لا قعد علي مكتب و لا شاف راحه ... لحد ما صاحبة الحق شافت و سمعت بودانها ان اللي عمل فيها كده بيتم حسابه..بلغت السيده اللي في الدار ان الدار تم غلقها ... فكانت دي دعوتها ".
وكان المهندس رامي الجبالي مؤسس ومدير مبادرة أطفال مفقودة، قد كشف عن واقعة مأساوية داخل دار مسنين بعد تعرض سيدة لواقعة فاضحة.
وسرد " الجبالي" الواقعة قائلا،" دي لقطه من فيديو تم تسجيله من كاميرات مراقبه لسيدة عندها شلل رباعي عندها ايد واحده بتتحرك.. عارفين الإيد واحده دي بقي دورها ايه ؟ اصبح دورها تشبع رغبات الرجاله اللي في الدار او يتم رميها في الشارع.
وتابع،" عارفين الفيديو ده مين اللي سربه ؟ الدار نفسها ... تخيلوا ؟! الدار نفسها بدأت تبعت الفيديو للمتبرعين اللي بيساعدوا السيده لما نجحت إنها تخرج من الدار ... عشان يقولوا لهم دي سيده سيئة السلوك متساعدوهاش !".
واستطرد،" تواصلنا مع صاحبة الفيديو و اللي قالت لنا اعمل ايه ؟ انا فجأه اصبح جسمي مشاع لكل راجل في الدار ... فجأه اصبح مطلوب مني أوافق ان رجاله اللي تغيرلي و تلبسني و تحميني ... و إلا هموت من القرح اللي ملت جسمي بالفعل.. مجرد التفكير في شعور هذه السيده، و اللي مطلوب منها تتقبله بس عشان تعيش حزين جدا ...
وقال،"الدار غير مرخصه، و القائمين عليها عارفين باللي حصل و بيحصل و هيحصل في ظل عدم وجود رقابه عليهم لمجرد انها دار بدون ترخيص.
واختتم سرده للواقعة قائلا،" و ده بلاغ لل Egyptian Public Prosecution النيابة العامة المصرية ووزارة التضامن الاجتماعي عشان يتم غلق هذه الدار و اي فروع اخري لهذه الجمعية و تقديم جميع القائمين علي هذه الجرائم للعدالة".
0 تعليق