صحيفة المرصد: علّق أحد أفراد أسرة العريس من أصحاب متلازمة داون على الفيديو المتداول لحفل زفاف الأخير، والذي أثار موجة من الجدل.

قصة حزينة 

وقال: " العريس ابن خالتي ودي قصة حزينة، ناس كتير شايفاه إنه مينفعش للزواج، وليه يحصل كده؟ّ! فعلًا لو فكرنا فيها هنلاقيها قصة حزينة، بسبب ظروفه وحالته لأنه من متلازمة داون" حسب القاهرة 24.

أبوه معاه فلوس 

وتابع: "والد العريس دايما ماشي بدماغه، وعلى الرغم أننا رفضنا جوازه، لكن أبوه له رأي تاني ومعاه فلوس كتير، وبالتالي كل كلامه وقراراته من دماغه، ومكنش حد يتخيل ولا يستوعب إن محمد ابن خالتي يتجوز دلوقتي خالص، بس أبوه هو اللي عمل كل حاجة، وجوّزه غصب عننا، وده قراره في الأول والآخر، ورغم أن ابنه من ذوي الاحتياجات الخاصة لكنه صمم على زواجه، وأبوه مخلص كل حاجة، حتى العروسة من طرف أخته، هو مكنش يعرفها خالص، لكن ده اللي حصل".

موجة من الجدل 

وكان الفيديو المتداول من حفل الزفاف تسبب في موجة من الجدل والنقاشات الحادة بين مؤيد ومعارض لهذا الزواج.

ورأى البعض أن من حق ذوي الاحتياجات الخاصة الزواج، بينما عبّر آخرون عن تخوفهم من مدى أهلية العريس العقلية والقانونية لعقد الزواج، معتبرين أن حالته قد تؤثر على صحة العقد شرعًا وقانونًا.