صحيفة المرصد: هاجم شقيق مدربة الأسود المصرية أنوسة كوتة، مساعد شقيقته الذي تعرض لهجوم من نمر، أثناء تقديم عرض للزوار داخل سيرك طنطا ما أدى إلى بتر ذراعه، مشيرا إلى أن العامل كان يبحث عن الترند. حسب تعبيره. 

مبروك الترند 

وقال شقيق أنوسة كوتة، في مقطع فيديو عبر «فيسبوك»: «مبروك الترند يا بسطاويسي! أنا منذر فاكرني، كلنا عارفين إنها مش شغلتك تربط الحيوانات بس عملت كدة عشان تتمنظر قدام صحابك، كنت هتسبب في كارثة وتعرض المدربة والجمهور كله للخطر علشان تتمنظر!».

جاي تتمنظر

وتابع: «يا مفتري، بتقول إن الحيوانات مكلتش من يوم 10 رمضان، يعني حوالي 25 يومًا.. يعني لو كده، أولى ياكلوا إيدك أنت اللي برا القفص، ولا ياكلوا المدربة اللي جوا القفص نفسه. وأنت اللي عندك خبرة 10 سنين في التعامل مع الحيوانات المفترسة بأمارة العمارة الملك اللي كل دور فيها كلاب مفترسة ولو أنت دخلت واحد صاحبك على الكلاب دي، هياكلوه، إنما أنت بقالك يومين في السيرك جاي بتتمنظر على حيوانات متعرفكش عشان قدام صحابك».

المستشفى 

ودافع عن شقيقته قائلا: «إنت بتقول محدش عبرك؟ إزاي؟ وهي جريت بيك على المستشفى بلبس الشغل.. ولا أنت جامد أوي وروحت المستشفى لوحدك؟ والكاميرات جابتك.. وهي فضلت معاك 8 ساعات في المستشفى وراحت للنيابة وكلمت أهلها كلهم ييجوا يقفوا معاك، وكمان إدت ضهرها للأسود وهي بتنقذك من النمر وأنت عارف قد إيه دا خطر عليها كان ممكن تروح ف ثانية بسبب دا بس هي دافعت عنك، وكمان أمنت القفص عشان مفيش أي نمر يخرج، على العموم هنحتاج نفرغ الكاميرات قبل الحادثة».