بعد الإنتهاء من التحقيقات مع المتهمين بقتل شقيق محامي القليوبية، بدأت المحكمة المختصة اليوم الأحد، أولى جلسات محاكمة المتهمين بإنهاء حياة شقيق محامٍ بمنطقة القليوبية.

أقوال زوجة شقيق محامي القليوبية 

واستمعت النيابة خلال التحقيق إلى أقوال زوجة المجني عليه حيث قالت: اللي حصل إن جوزي كان رجع من الشغل بتاريخ 2024/8/21 وحوالي الساعة 2:10 صباحا لقيته اتصل عليا وقالي أنا راجع من الشغل وجيت أركب توكتوك قالي 30 جنيه وهو ما كانش معاه فلوس غير 45 جنيه وعايز يروح إمبابة عند أمه.

وأضافت، وفضل يكلمني على التليفون لحد ما سمعت صوت حد بيقوله الساعة كام وهو رد عليه وقاله 2:30 وفضل ماشي وهو بيكلمني في التليفون لحد لما حد تاني سأله قاله الاستيراد منين قاله معرفش كمل معايا على التليفون.

لحظة هجوم المتهمين على شقيق محامي القليوبية

وأكملت، وبعد كده سأل واحد وقاله الدائري منين فسمعت قاله سيب أول سلم وأطلع تاني سلم وبعد كدة فضل معايا على التليفون لحد ما سمعت صوت حد بيقول لجوزي صوته تخين وصوت حد تاني بقوله اقف يالا وشتمه وقاله مش بقولك اقف وشتمه ثاني.

وتابعت، وبعدين سمعت صوت خالد جوزي يقول للناس من غير ضرب وبيصرخ وبيقولهم معايش حاجة عشان تاخدوها لأن أنا معايش حاجة ولقيت خالد بيصرخ ويقول قتلوني يا هند وخدوا حاجتي أشهد أن لا إله إلا الله.

اعترافات المتهم الثالث

وفي وقت سابق، كشف المتهم الثالث في واقعة قتل خالد التميمي شقيق محام شهير على الطريق الدائري بمنطقة مسطرد في القليوبية، تفاصيل مؤثرة.

وقال المتهم «يوسف.إ»، 18 عامًا،أن الأمر بدأ بسرقة هاتف، ثم تحوّل إلى عملية إكراه، وانتهى بطلقة في الصدر أودت بحياة الضحية في لحظات، موضحا«إللي حصل بالظبط إني من حوالي ١٠ أيام، كان يوم موافق الثلاث، قابلت أحمد رضا أحمد «بوقه»، وكان معاه خالد عبدالعزيز، وكانوا راكبين موتوسيكل، وقالولي: «يلا بينا هنشتغل شوية»، فركبت معاهم وطلعنا لحد مسطرد، وقبل ما نوصل مسطرد، سرقنا موبايل من واحد كان واقف على الطريق الدائري بعد طلعة الخصوص، وبعدها على طول لقينا (توك توك) ماشي جنبنا، فضلوا يقربوا مننا، و(أحمد رضا) كان بيحسب إن حد بيجري ورانا، فرفع عليهم «فرد الخرطوش» ولما قربوا أكثر، لقيناهم (مصطفى سعيد)، و(خالد عصام)، و(محمود عيسى)، و(إسلام عيد)، ووقتها، مصطفى بصله وقال لأحمد رضا: «متخفش»، وسلمنا على بعض، ووقتها اتفقنا قولنا يلا بينا نشتغل شوية».