تحدثت الفنانة حلا شيحة عن تفاصيل رؤيتها ليوم القيامة وذلك في فيديو عبر حسابها الرسمي بموقع الفيديوهات الشهير يوتيوب، مشيرة إلى أنها كانت في ذلك الوقت بدولة لبنان.

حلا شيحة تكشف عن تفاصيل رؤيتها لـ يوم القيامة 

وقالت حلا شيحة في تصريحات رصدها موقع تحيا مصر: كنت مسافرة ومخنوقة جدًا، اتكلمت مع ربنا وشوفت رؤيا ليوم القيامة، كنت واقفة على أرض بيضا بتلمع، ورايا جبال وقدامي بحر وسما وحشين جدًا، بس أنا شيفاهم حلوين، وأنا ببص للسما شوفت ملك على شكل طائر جناحاته كبيرة سادة السما.

وتابعت: الملك نزل على الرمل اللي واقفين عليه وكل الناس وقفت صفوف، نده عليهم وأنا خوفت من الحساب حاولت أهرب، بس نده عليا وقالي يا حلا يا بنت نادية ده معاد الحساب، وخدني معاه، وشوفت عنكبوت شعره كله شوك في البحر، الغريب لما صحيت من النوم وببص من البلكونة شوفت العنكبوت في البحر قدامي.

حلا شيحة ترتدي الحجاب 

يذكر أن حلا شيحة عادت لارتداء الحجاب مرة أخرى في الفترة الماضية، بعد تردد كثير منها حول هذا الأمر، وأعلنت عن ذلك من خلال صورة لها علقت عليها: الحمدلله اجمل كلمة ممكن نقولها في كل الاوقات، طالعة من القلب بتفرق كتير، الحمدلله سلام داخلي محتاجينه في حياتنا كل فترة، كلنا عندنا أيام صعبة واللي تعبان وبيفقد أحبة والفتن كتير فدايما نقول الحمدلله يارب.

حلا شيحة تتحدث عن علاقتها بربنا 

هذا وتحدثت حلا شيحة عن علاقتها بربنا، قائلة: سعيدة أوي أني بتكلم عن ربنا.. وسعيدة أن فيه ناس بعتالي بتقولي احنا بنحب طريقتك.. وأكتر حاجة بحبها وبتشغل بالي وفكري وقلبي حب ربنا سبحانه وتعالى.. وأنا لما بعدت عن ربنا قدرت أرجع لأن الآيات جوايا.. وناس كتير بتعبتلي بتقولي حلا احنا حاسين أنك قوية ازاي قدرتي تتخطي كل دا وترجعي لربنا تاني ودي حاجة مش سهلة.. هو مفيش حاجة سهلة بس ربنا هو اللي جميل وبيهدينا.

وتابعت: وأنا صغيرة كنت بحب أوي موضوع التفكر، وأصحى بدري وأروح أقعد على البحر بالليل مكنتش بحب أطلع، وكنت أتأمل في السما والبحر، وأقول لنفسي البحر عظيم جدًا، ومن  ضمن الحاجات اللي كنت بفكر فيها، إني أبص على البحر وأقول: طب هو ربنا فين؟ إحنا مش شايفينه، طب هو موجود فعلًا؟ وكنت ببص على آخر البحر وأقول فيه حتة كده نظرنا مش بيقدر يجيبها، فكنت بقول خلاص، مش  ده آخر المطاف، بس سبحان الله.