ردت الإعلامية أسما شريف منير على منتقدي زواجها الأخير حيث أنه زواجها الثالث مما عرضها لبعض الانتقادات وآخرين دعموها في قرارها كما حرصت على توجيه رسالة لكل سيدة تشجعها وتدعمها فيها على الزواج دون الاهتمام لنظرة المجتمع، ونرصد رسالتها فيما يأتي.

أسما شريف منير ترد على منتقديها: مش هرد وربنا أمرنا نبقى أرقى

بدأت أسما شريف منير حديثها في منشور عبر حسابها الرسمي على موقع تبادل الصور والفيديوهات انستجرام، و ردت على منتقدي زواجها الثالث وقالت وفقًا لما يرصد موقع تحيا مصر: "لكل شخص شتمني تنمر عليا، أو أساء الظن بيا أنا مش بزعل، ومش باخدها على قلبي... مش لأني ما بحشش لكن لأني تعلمت إن القلوب اللي فيها نور، بتعفو، وبتعدي لأن ربنا قال: " والكاظمين الغيظ والعافين عن الناس والله يحب المحسنين." وأنا اخترت أبقى من الناس اللي ربنا يحبها، مش هرد إساءة بإساءة، ولا كلمة بكلمة ربنا أمرنا نكون أرقى، حتى قدام الظلم "ولا تستوي الحسنة ولا السيئة، ادفع بالتي هي أحسن."

وتابعت: "اللي بيني وبين ربنا عمره ما كان محتاج شهادة من بشر واللي بيظن السوء، ربنا قال عنه: "يا أيها الذين آمنوا اجتنبوا كثيرًا من الظن إن بعض الظن إثم." أنا مسامحة من قلبي، مش ضعف.. لكن قوة إني ما أخليش الحقد والزعل يسكن في صدري وسايبة كل حاجة لربنا.. لأنه قال: "فمن عفا وأصلح فأجره على الله ."

رسالة أسما شريف منير للسيدات بعد زواجها الثالث

اختتمت الإعلامية أسما شريف منير حديثها موجهة رسالة للسيدات بعد زواجها الثالث تشجعهم من خلالها على الزواج دون خوف من المجتمع ونظرات الناس، وقالت أسما: "أنا عندي رسالة أمل، وبدعي من قلبي إن ربنا يكرم كل ست، ويشجعها تتجوز وتبدأ من جديد من غير ما تخاف من المجتمع ولا من نظرات الناس اللي كده كده الناس بتصطاد الأخطاء، ربنا يعفينا منهم ولا من الكلام اللي بيقول: "مريضة " ، "مستفزة"، "بجحة"، وكلام كتير مالوش لازمة. كله اتبدل بحسنات، ربنا هو اللي بيختار ويعوض... مش الناس."

زواج أسما شريف منير 

كانت قد احتفلت الإعلامية أسما شريف منير بزواجها الثالث في احتفال عائلي بسيط وسط حضور ابنتها ووالدها الفنان شريف منير والأصدقاء بعيدًا عن الضوضاء وأعين الإعلام، وطلت أسما بإطلالة بسيطة نالت إعجاب محبيها ومتابعينها.