أعلن المطرب الشعبي رضا البحراوي تعرض والدته لوعكة صحية نُقلت على إثرها المستشفى، وذلك من خلال منشور عبر حسابه الشخصي على موقع التواصل الاجتماعي فيسبوك.

تعرض والدة رضا البحراوي لوعكة صحية

وكتب رضا البحراوي في منشوره الذي يرصده موقع تحيا مصر: الحمدلله والشكر لله حبيت أطمنكم عليا.. أنا الحمد لله بخير، وكل اللي موقفني عن الشغل والحفلات اليومين دول هو إن والدتي الغالية في المستشفى، ربنا يشفيها ويقومها بالسلامة يا رب، أنا مأجل كل شغلي علشان أكون جنبها، وهارجع أول ما تطلع وتتحسن إن شاء الله، وهارجعلكم بقلب مليان فرح علشان أبسطكم تاني في الحفلات والأفراح زي ما متعودين مني دايمًا، دعواتكم لوالدتي ربنا يشفيها ويعافيها.

رسالة رضا البحراوي لجمهوره بعد وقفه عن الغناء

وسبق وأن حرص المطرب الشعبي رضا البحراوي على توجيه رسالة مؤثرة لجمهوره وذلك بعد قرار وقفه عن الغناء لمدة شهر والذي أصدرته نقابة المهن الموسيقية أمس الخميس، بسبب الفيديو المتداول له والذي يحمل إساءة لمؤسسات الدولة.

وكتب رضا البحراوي في منشور رصده موقع تحيا مصر عبر حسابه الرسمي بموقع التواصل الاجتماعي فيسبوك: أنا رضا البحراوي، حابب أتكلم معاكم بكل صراحة وشفافية، تم إيقافي عن الغناء لمدة شهر بقرار من نقابة المهن الموسيقية، وأنا باحترم القرار ده، وبوعدكم إني هاخد الفترة دي فرصة لمراجعة نفسي ولتحسين اختياراتي الفنية.

أخر أعمال رضا البحراوي

ومن الجدير بالذكر أن أخر أعمال رضا البحراوي أغنية المقص مع النجم تامر حسني من فيلم ريستارت الذي يعرض حاليا في دور العرض السينمائية، والتي تقول كلماتها: بغني وأقول موال عن صحبة الأندال

لما صاحبنا آمنا

ولما عاشرنا ندمنا

بس خلاص اتعلمنا

يا معانا يا مش معانا

مالناش في النص نص

عايز تقطع علاقتنا

خد يلا المقص وقص

ناس غريبة جدًا

ولا أي شيء كان عاجب

نديهم عنينا

يقولوا طب ما تجيبوا الحواجب

مش مهم الوجع

المهم عرفنا مين فينا ندل ومين جدع

إحنا آه جدعان وناس أصيلة وطيبين

بس عند الكرامة لأ

ولا بيفرق هنخسر مين

إحنا ماسبناش حد كويس

هو اللي مامسكش كويس

بس خلاص