أشادت الفنانة صابرين بتتر مسلسل لام شمسية وقصة العمل بشكل عام، مشيرة إلى أنه ساعدها في ترسيخ المباديء والقيم التي كانت تبثها لأبناءها لهم وذلك بعد عرض قصة التعدي على الأطفال بطريقة بسيطة وحقيقية.

صابرين: كنت بفهم ولادي أن أي حاجة مهما كانت مزعجة لازم تتقابل 

وكتبت صابرين تعليقا على  منشور المخرج كريم الشناوي في مسلسل ولاد الشمس والذي رصده موقع تحيا مصر: شوف ياكريم أنا وأسرتي الكبير والصغير واهمهم أولادي خاصتآ في هذا العمل لأني كنت طول الوقت وهما أطفال  صغيره بفهمهم بطريقه غير مباشره أزاي اي حاجه مهما كانت مزعجه لازم  تتقال وخصوصا لما كنت  بقول الممنوعات  وكانوا بيعملوها بس مش فاهمين ليه بكرر كلامي ده كتير زي يعني ماحدش يقولك تعالي اقعد علي حجري مثلا او السواق يقولك تعالي اعلمك السواقه وتقعد علي حجره ممنوع وكنت أقولهم فيه أماكن لو اي حد سواء راجل او ست قريب او غريب  لمسها فورا تيجي  تقولوا وكنت بخترع اي سبب علي حسب تفكير ووعي كل ابن لأن كل واحد مش زي التاني في  استيعاب المعلومه والأجيال بتتغير بتغير المجتمع اللي حواليه.

وتابعت صابرين حديثها: كل ده بحكيه علشان نوصل للحظة نزول التتر   الأخير بأغنية  اسلمي يامصر حقيقي حسينا كلنا بقشعريره غريبه وشوفت في عين ولادي نظره عمري ماشفتها وهما بيبصولي وانا دموعي بتنزل   هما طبعا كانوا فاهمين أنا كنت بقولهم كده ليه زمان بس الأهم هما ماكنوش مدركين لو كان ده حصل كانوا ممكن يحصلهم ايه  وده اللي جسده كل مشهد  من المسلسل ومن كل الشخصيات اللي كانت تقصد واللي ماكنتش تقصد كأنها كانت لعبه  بيلعبوها وهما أطفال زي مشهد جارة أمينه وهما صغيرين.

صابرين لكريم الشناوي مبروك يا محارب بشرف وفخر

واختتمت صابرين حديثها: لكن نظرة ولادي كانت  ليها معاني جميلة بما معناه قد ايه، كان خوفك علينا كان صح  وماخفتيش انك تقوللنا كل شويه لوحصل كارثه اي كارثه قولولي وانا هتصرف لأن مافيش حد هيقف جنبكم غير  أمكم وأبوكم ولما خلصت الحلقه الاخيره ماستغربناش التتر الأخير بل حسينا بأطمئنان ودفء ومعني حقيقي بالفخر وخوض معركه مع الحياه انتصرنا فيها بسلام أنا كأم حسيت ان  التتر  نصرني وأنصفني  كأم  علي أي  ذئب او فكر بشري كان ممكن يغير مشوار حياتنا ونصر مهنتي  والرساله التي صنعت من اجلها الدراما المصريه من اول يوم شفتك ياكريم وانا عارفه انت هتعمل ايه الف مبروووك ياحبيبي يامحارب بشرف وفخر.

مخرج مسلسل لام شمسية يوضح سبب استخدام أغنية اسلمي يا مصر

وكان المخرج كريم الشناوي، مخرج مسلسل لام شمسية قد أوضح سبب استخدام أغنية اسلمي يا مصر في نهاية العمل، مشيرا إلى أنه لم يتعرض لأي ضغوطات رقابية أو أي جهات رسمية، وان استخدام الأغنية نابع برغبة شديدة من صناع العمل.