تحدث أحمد صبور، مصمم صوتيات مسلسل لام شمسية عن الجملة الشهيرة التي تصدرت حديث مواقع التواصل الاجتماعية بين وسام ورباب وتقول "هي نسيت وانتي منسيتيش"، مشيرا إلى أن تلك الجملة لم تقال ابدا في المسلسل.

مصمم صوتيات مسلسل لام شمسية ينفي الجملة المتداولة

وقال مصمم صوتيات مسلسل لام شمسية في منشور رصده موقع تحيا مصر عبر حسابه الرسمي بموقع التواصل الاجتماعي فيسبوك: أكتر حاجة لفتت نظري في الدوشة و الإشاعات اللي حصلت على نهاية لام شمسية هي اشاعة ان في الحلقة الأولى وسام قال لرباب و هو بيغسل شعرها "هي نسيت و انتي منسيتيس" و الناس بتستخدم ده على انه دليل قاطع ان كان في تمهيد لأن وسام اتح.رش بزينة.

وتابع مصمم صوتيات مسلسل لام شمسية: اتفاجأت بقد ايه الناس كلها بتقول ان الجملة دي اتقالت و انا مش فاكر خالص اني سمعتها، مع العلم اني بسمع كل مشهد بدل المرة الف بحكم اني كنت مصمم شريط الصوت للمسلسل، فا رجعت للحلقة و ملقيتش اي جملة تشبه اصلا الجملة دي. شكيت في نفسي لدرجة اني رجعت سمعت صوت كل الtakes اللي اتسجلت للمشهد ده و  الجملة دي متقالتش في ولا مرة منهم، بل و رجعت للنص الأصلي للمسلسل كمان و الجملة دي ملهاش أي وجود في أي حته.

مصمم صوتيات مسلسل لام شمسية: الإشاعة انتشرت بعد تحويلها لتأثير مانديلا 

واضاف: الموضوع كله ان في حد بدأ الإشاعة دي و بدأت تنتشر و بعدها تحولت لMandela Effect أو تأثير مانديلا و هو عبارة عن "ظاهرة نفسية حيث يتشارك عدد من الأشخاص في تذكر حدث أو معلومة بطريقة غير دقيقة أو مغايرة للواقع الفعلي" و تقدروا تبحثوا في جوجل و تقروا اكتر عن الظاهرة دي.

واختتم مصمم صوتيات مسلسل لام شمسية: طيب يا جماعة ثقتكم الشديدة دي في انها اتقالت فعلا شككتني في نفسي مرة تانية و رجعت للمشهد اللي بتقولو عليه في نهاية حلقة ١٠ و بالفعل الجملة دي مش موجودة ولا عمرها كانت موجودة (انا براجع من تايملاين الحلقة مش من المنصات)، و كمان راجعت كل المشاهد اللي تخص موضوع الكاميرا و برضو مش موجودة، دي شهادتي الأخيرة في الموضوع ده.

مسلسل لام شمسية 

مسلسل لام شمسية من بطولة الفنان أحمد السعدي والفنانة أمينة خليل، فضلا عن كلا من النجوم محمد شاهين، يسرا اللوزي، صفاء الطوخي، ثراء جبيل، ياسمينا العبد وغيرهم عدد كبير من الفنانين والمسلسل من إخراج كريم الشناوي وتأليف مريم نعوم.