حرص الفنان تامر حسني على توجيه رسالة للشباب بمناسة عيد الام والذي يحل اليوم الجمعة الموافق 21 من شهر مارس الجاري، مشيرا إلى أنه يجب على كل شخص أن يهادي والدته حتى ولو بكلمة بسيطة.

تامر حسني يوجه نصيحة للشباب بمناسبة عيد الأم 

وكتب تامر حسني في منشور رصده موقع تحيا مصر عبر حسابه الرسمي بموقع تبادل الصور والفيديوهات انستجرام: الأم تستحق مننا إننا نفرحها و نكرمها في كل يوم مش بس النهاردة و بمناسبة يوم عيد الأم إنه النهاردة.

وتابع تامر حسني حديثه: كل سنة و كل أم طيبة و كل أم مش معانا ربنا يرفع من درجاتها و يوصلها كل خير دعواتنا يلا يا شباب محدش ينسى يكلم والدته يقولها أحلى كلام و اللي يقدر يجيب ورده و يديهالها هتبقى على قلبها زي العسل و اللي مزعل والدته يجري يصالحها يلا يا شباب عايزين نفرحهم أوي أمانه عليكم متنسوش هما دلوقتي مستنيين مننا كلنا كلمه حلوه طيبة تفرحهم و تهون عليهم .. دول اللي حرموا نفسهم في الدنيا و الحياة عشان خاطر إحنا نعيشها.

تامر حسني يدعم المخرج محمد سامي 

من ناحية أخرى، كان الفنان تامر حسني قد حرص على دعم المخرج محمد سامي بعدما أعلن اعتزاله الدراما وسفره إلى خارج مصر لمدة عامين لكي يدرس أشياء جديدة يريد أن يتعلمها، حيث كتب تامر حسني له: أوعى تكون عايز تبعد عشان أي إحباط، جايز يكون فعلاً في بعض المشاهد اللي الناس انتقدتها وأنا شخصياً استغربتها شوية وقولت جوايا إنك مش محتاج تعملها أصلاً، بس على رأيك (الفنون جنون)، وأنت المخرج الوحيد في تاريخ مصر اللي مفشلش ولا مرة.

تامر حسني للمخرج محمد سامي: مبسوط أنك بمنتهى الشجاعة الأدبية أعتذرت عن تقديمها

وتابع تامر حسني: يمكن الحظ لم يحالفك في عمل أو اثنين على مدار 14 سنة، ودي حاجة مينفعش الجمهور ينساهالك، أنت قدمت مسلسل «آدم» اللي جمع كل المصريين، وبعدها «سبق الإصرار»، و«حكاية حياة» اللي كانوا نقلة كبيرة في ديكورات الدراما المصرية، وبعدين «الأسطورة»، و«البرنس»، و«جعفر العمدة»، اللي حققوا نجاحات ساحقة، وكانوا أعلى نسبة مشاهدات في الدراما بشكل عام، وبعدهم «نعمة الأڤوكاتو»، و«إش إش»، و«سيد الناس»، سافر وكمل حلمك، أنا عارف إن محمد سامي اللي اكتشفته وقدمته للصناعة وهو عنده 27 سنة، لا يمكن هيتهز، ممكن يزعل يومين ويراجع نفسه في مشاهد أنا مبسوط أنك بمنتهى الشجاعة الأدبية أعتذرت على تقديمها.