أعلن اليوتيوبر علي غزلان منذ قليل انفصاله عن المذيعة فرح شعبان وذلك بعد فترة قصيرة من عودتهما، مشيرا إلى أنهم حاولوا إصلاح ما بينهم من مشاكل ولكن لم يقدرور على العيش معا لذا اتخذوا القرار منذ شهر تقريبا.

علي غزلان يعلن انفصال عن فرح شعبان

وكتب علي غزلان في منشور رصده موقع تحيا مصر عبر حسابه الرسمي بموقع تبادل الصور والفيديوهات انستجرام، من خلال خاصة ستوري: الله وماشاء فعل تم الانفصال والطلاق بيني وبين زوجتي (فرح شعبان) الانفصال تم من تقريباً شهر، يشهد ربنا بعد ما رجعنا بعد أول انفصال إننا حاولنا نعيش مع بعض تاني لكن مقدرناش .. فقررنا الانفصال بهدوء بدون أي مشاكل وخناقات وتريندات.

وتابع علي غزلان حديثه: هي إنسانة كويسة ربنا يوفقها في حياتها عشان خاطر نفسها وعشان خاطر ابننا ، يمكن فشلنا نكون زوجين لبعض بس أكيد هننجح باذن الله إننا نكون أب وأم كويسين لابننا.. أتمني احترام القرار ومحدش يكلمنا في أي تفاصيل، لاننا مش هنتكلم في حاجة وهنفضل ضهر بعض عشان خاطر رحيم ابننا.

عودة علي غزلان وفرح شعبان 

وجدير بالذكر، أنه كان قد عاد علي غزلان وفرح شعبان مرة أخرى بعد أشهر من الانفصال الاول في نوفمبر المنقضي حيث نشر علي غزلان مقطع فيديو عبر حسابه الرسمي على موقع التواصل الاجتماعي فيسبوك أعلن من خلاله عودته لطليقته فرح شعبان بعد حوالي 4 أشهر من الانفصال، وظهر الثنائي في مقطع الفيديو وهما يوقعان عقود الزواج ويمازحان بعضهما حيث قال علي غزلان في مقطع الفيديو الذي يرصده: “أنا مش عارف اللي بعمله ده صح ولا غلط بس أنا ببصم عشان ارجع للأستاذة”، أما التعليق الأول لفرح شعبان بعد عودتهما كان عندما مازحت زوجها قائلة: “أقسم بالله هوريك وهطلعهم على عنيك يوم يوم”.

وسبق وتحدث الثنائي معا عن علاقتهم ببعض وسبب انجذابهم لبعضهم البعض خلال لقاءهم مع موقع تحيا مصر فقال علي غزلان “مهتمتش لشكلها أو شخصيتها أنا أول ماشوفتها حبيتها وقولت البنت دي هتبقى بتاعتي مش عايز غيرها وفعلًا مراية الحب عامية”، ومن ناحية فرح شعبان أكدت في اللقاء نفسه أن أكثر ما جذبها لزوجها هي حنيته تجاهها وخوفه عليها وخلال اللقاء بدأت وصلة مزاح بين الثنائي وهذا ما يحبه منهم الجمهور.

علي غزلان: مش همسح صوري معاها عايز أفضل فاكرها

وقال علي غزلان في انفصاله الاول: الناس بيقولوا اننا عاملين تريند هو أنا ليه لازم امسح صورنا وأعمل أنفولو.. انا مش هعمل كده.. كل صورة نزلت ليها ذكرى معينة أنا عايز أحتفظ بيها وافتكرها ومش معنى كده إني ضعيف أنا أقوى واحد ممكن تشوفه في الدنيا، ياريت بلاش ننظر على بعض معلش ودا طلبي منكم.. الفترة دي ممكن أعمل حاجات غير مدروسة مش عايز حد يقولي بتعمل ايه.