حرصت المطربة أصالة على تهنئة والدتها بعيد الأم وعيد ميلادها، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

أصالة تعايد والدتها بعيد الأم

وكتبت أصالة في منشورها الذي يرصده موقع تحيا مصر: مشوار مشيناه أمي وأنا شو كان مشوار صعب عانتني عليه.. بصبرها بطيبها بعطاءها بخوفها عليي اللي ولا يوم قل واليوم عيد ميلادها وعيدها وبدي عايدها مرتين وألفين وقلها مليونين كلمة إمتنان وشكر ومحبه كل سنه وانتي سالمه يا حبيبتي وبدي غني لك الموال اللي كان أبي يغني لك ياه وقوله عنه ( عزيزه وبالقلب فايق ربيعا وبمال الأرض عمري ما ببيعا).

وتابعت: ولأنك غرقتيني محبه ودلع وإهتمام حبيت كلمة أم وشعور الأم وصار عندي مع أمي أكثر من أم وكلهم بدي عايدهم منهم أمي أموله الحنونه الغاليه الكريمه اللي علمتني وكتير مشاعر حلوه زرعت فيي ومعلق قلبي فيها.

رسالة أصالة لوالدتها

واضافت أصالة: وعندي أم بالبحرين بتبهرني كل صفاتها ومن يوم عرفتها شفت فيها الصبر بأعلى درجاته والإيمان بأعمق صفاته نبيله عظيمه قدوه بدي قلها شو بحبها وعايدها.. وبدي عايد كل صديقه بحياتي قد ماكان عمرها صغيره كانت أو كبيره حنت عليي مثل أم لبست منها فستان تشاركنا بقلم حمره أكلت من إيدا لقمه طيبه غفيت على الكنبه ببيتها متطمنه مثل طفله كلهم كانوا بالنسبه إلي أم كل سنه وكلكم سالمين مرتاحين الصحه وراحة البال تسكن صدوركم اللي وسعت محبه وإهتمام وعطاء بيقدي الدنيي كلها.

أصالة: عيد الأم هو عيد الحب المطلق

واختتمت أصالة منشورها وكتبت: عيد الأم هوه عيد للحب المطلق اللي مو بالضروره تكون الست أم وعندا ولاد المهم إنها قدرت تتمتع بأجمل صفات الأنوثه وهيي الأمومه وحنت واهتمت وقدرت بدل عيله صغيره تعمل عيله أكبر وأغلى وحضنت من ولاد ها لعالم اللي انحرموا الأم لأي سبب وما أكثر بهالزمن الأسباب لها لأم العظيمه كل الحب والإحترام.. لكل ست طيبه محبه صبوره كل سنه وأنتوا سالمين يا غاليين يا شركاء الحنان والطيب والأمان.