وقالت بسمة وهبة: أحمد السقا كلمني من السعودية واتناقشنا حول البوستات اللي بتتكتب مؤخرًا على صفحته بفيسبوك وسألته عن البوست اللي أثار جدل كبير.

وأضافت: السقا قالي أنا كنت بعمل طواف القدوم في الحج وتاني يوم لقيت التليفون بينفجر من الاتصالات والكلام اللي مكتوب مش لغتي ولا طريقة كلامي وفتحت الصفحة وكانت الصدمة، ملقتش البوست اللي عامل جدل وكلمت أختي وخليتها تدخل تشوف إيه الحكاية، واكتشفنا إن في 4 أشخاص معرفهمش بيدخلوا على حسابي يكتبوا بوستات ويمسحوها، قالي أنا معنديش أي ضغينة تجاه أي حد ونصحته ينسى الموضوع ده وقالي كل ما أبعد ألاقي حد بيشدني للموضوع تاني وبتفادى أي مشاكل عشان ولادي عشان مش هعيش قد العمر اللي فات وفي حد مصمم يشدني لمنطقة مش عايز أروحلها، وعايز أعيش في سلام وأركز مع شغلي وأهلي والله.

وأشارت إلى أن السقا أخبرها بأن لو أم ياسين احتاجتني هكون أول واحد جنبها ومش هتردد لأنها إنسانة طيبة ومقدرش أتحمل لو حد زعلها، وهكون أول واحد هيقف في ضهرها ولكن مش معناه إن في رجوع بينا.

يمكنك مشاركة الخبر علي صفحات التواصل