صرحت ميرنا نور الدين خلال لقائها ببرنامج الراديو بيضحك مع فاطمة مصطفى قائلة: فيه ناس بتفتكر أن أحمد العوضي مبيضربش بجد في المشاهد وأنا قلت له إني هقول للناس أنك ضربت كل واحد فينا هو بيضرب بجد بس طبعا عنده تكنيك وعارف بيضرب إزاي بس أنا واحدة من الناس اللي اتعورت غصب عنه لأنه بيبقى لابس خاتم فعورني في وشي وإيده عفية لما بيمسك إيدي بتوجعني حتى أكتر ما بيضربني بالقلم.

تابعت: أحمد العوضي لما ضربني بالقلم قالي لازم أضربك عشان تحسي بالمشهد وبعد ما خلصنا قلت له حسيت خلاص.

أضافت: مش أول مرة نشتغل مع بعض أنا وأحمد العوضي بس دي أول مرة يبقى هناك مساحة كبيرة مع بعض هو من أكثر الناس مش بيركز مع نفسه بيركز معانا، عايز أن إحنا كلنا ننجح مش هو بس وبالتالي طول الوقت بنتناقش عن المشاهد مع بعض لو في لازمة معينة إحنا أصحاب أنا وهو وكارولين عزمي وعصام السقا وكان ممكن يتريق لو قلت جملة بطريقة معينة يقولي دي مش من شق التعبان إعدلي لسانك زي كلمة بالله أول أيام التصوير كنت بقولها عادي بطريقة ميرنا مش كناريا هو كان بيساعدني جدا والكيميا بينا حلوة.

يمكنك مشاركة الخبر علي صفحات التواصل