أعلنت الفنانة منى جبر قرار اعتزالها التمثيل بصفة نهائية وعدم نيتها للعودة مرة أخرى وعن أسباب قرار اعتزالها الفن . 

مني جبر تعلن اعتزال التمثيل:"مش همثل تاني حتى لو هاخد أوسكار"

اعتزال منى جبر 

قالت منى جبر خلال مداخلة هاتفية ببرنامج القاهرة اليوم الذي يقدمه إدوارد ونانسي مجدي : "في المجال الفني بتجيلك لحظة بتحس إنك مش هتقدر تدي أكتر من اللي أنت اديته وخدت قرار الاعتزال ومن يوم القرار ده مفكرتش أرجع".
 

وأضافت : "موحشنيش الكاميرا ولا الفن ولا التمثيل الجمهور أكيد هيقدر إني إنسان له حياته وقاعد في بيته مع ولاده، الفن ممكن يكون في أي حاجة الكلمة الطيبة أو الاطلاع على الحياة أو التعامل مع الناس، عشت حياتي اللي معشتهاش بعد الفن، لأنه بيخطف العمر..ومش همثل لو هاخد الأوسكار وحتى لو هاخد مال الدنيا".

كما كشفت عن رأيها بالنجوم الحاليين :  "بحب الممثلين الصغيرين كلهم لأني بحس أنهم مجتهدين جدا وبينحتوا في الصخر إحنا كانت فرصنا أكتر لأننا أقل بكتير دلوقتي لو فتحت الحنفية هتنزل ممثلين، الممثل ممكن يعجبني في دور وممكن معجبنيش في دور تاني".