قال "المنشاوي" خلال مداخلة عبر سكايب مع برنامج "كلمة أخيرة" الذي تقدمه الإعلامية لميس الحديدي، عبر شاشة on، إن السبب في ذلك يرجع إلى عملية الصيد بأكملها.

أوضح: "كل مركب وشيخ صيادين له مجموعة من المراكب بيطلع عليها 10 أو 15 من الصيادين وبيتوجهوا معاهم برميل من الجاز وأكل يقضيهم فترة الصيد أسبوع أو اتنين وبيجمعوا الكلام ده ويرجعوا بيه".

تابع: "فيه تكلفة التغذية بتاعتهم، والجاز اللي وصل سعره 3 مرات السعر اللي كان بالفعل بيتمول بيه.. في نفس الوقت لما بيرجعوا لهم حصة بياخدوها من عملية الصيد، وهما لهم عائلاتهم اللي بتاكل وبتشرب وبالتالي بيطالبوا شيوخ الصيد برفع العائد".

أضاف: "كل المصاريف بتتجمع ويحملوها على كمية السمك اللي جاية وبيعملوا مزاد بيشترك فيه عشرات الموزعين بالتالي بيحددوا أسعار مغالى فيها".