كشفت الفنانة مروة عبد المنعم عن تفاصيل أزمتها النفسية الأخيرة التي مرت بها، والتي كانت سببًا في ارتدائها الباروكة خلال الفترة الماضية.

مرض الفنانة مروة عبد المنعم

وقالت مروة عبد المنعم: كان فيه ناس كتير بتقعد تقولي انتي لابسة باروكة ليه شكلك مش حلو فيها بس أنا مكنتش عايزة أقول وقتها ولا عايزة أتكلم.. الكلام كان بيوجعني أوي ويزعلني على نفسي جدًا.. الخلاصة يا جماعة محدش بينفع حد على شكله محدش عارف جوا الكواليس فيها إيه.

وأضافت: أخيرًا إفراج نهائي من الباروكة بعد دوامة نفسية سيئة جدًا دخلت فيها وصلتني لـ 70 كيلو وسقوط شعري بالكامل.. اضطريت ألبس فيها الباروكة وواحدة واحدة بدأت أفوق بفضل ربنا وأرجع لوزني وشكلي تاني.. لكن فضل شعري في الأزمة وطبعًا هو متعالجش بنسبة 100% بس أخدت أمر بالإفراج عنه وتكملة العلاج عادي.

وواصلت مروة عبد المنعم: دلوقتي أنا أقدر أقول وأتكلم ولا أخجل.. أنا مريت بأزمة نفسية كانت صعبة جدًا عليا.. عمري ما كنت أتخيل إن الوجع النفسي ممكن يدمر بالشكل ده.. لحد ما عشت التجربة.. وأنا أكتر إنسانة في الدنيا لا ليا في الميكب ولا الباروكة ولا أي حاجة صناعي.. وكون فكرة إني أربط حياتي بباروكة كنت بتخنق وبموت منها.