السبت 04/مايو/2024 - 02:42 م

خلال الساعات الماضية، تعرضت ماما دهب الشهيرة بفيديوهاتها على السوشيال ميديا، لموجة كبيرة من الانتقادات بسبب تصريحاتها بعد ظهورها في أحد البرامج التليفزيونية. 

هجوم على ماما دهب بسبب أسلوبها

وتعرضت ماما دهب لهجوم كبير من مستخدمي مواقع التواصل الاجتماعي، وذلك بسبب تعمدها معاملة زبائنها بأسلوب غير لائق في مطعمها بمنطقة وسط البلد.

وانتقد مستخدمو مواقع التواصل الاجتماعي أسلوب التحكم التي تتبعه ماما دهب في تعاملها مع زبائنها خاصة الشباب الصغار الذين يترددون على مطاعمها، مع محاولاتها لفرض أسلوب الأمومة على زبائنها.

ورأى جمهور السوشيال ميديا، أن ماما دهب تقدم طعاما أقل من العادي، ولذلك تتجه إلى أسلوب المحاضرات والتمية البشرية لتزداد شهرتها وتصبح ترند.

وفي آخر ظهور لها في أحد البرامج التليفزيونية، دافعت ماما دهب عن نفسها قائلة: الحرية لا يجب أن تكون مُطلقة، ده أكل عيشي وباب رزقي، ويعني إيه أحرار، إحنا في مجتمع شرقي له أصول وقواعد، والمطعم مساحته صغيرة ويستقبل شباب وفتيات من كل طبقات المجتمع ولا يصح أن يصدر انطباع غير لائق للمكان.

وتابعت: أنا مش بتكلم عن لبس البنات، أو إنها ماسكة سيجارة، أو الخروج مع الأصدقاء أو البوي فريند، لكن مينفعش يكون فيه ألفاظ خارجة، بنات كتير بيختلفوا معايا، بقول لهم مينفعش يبقى فيه شباب قاعد وضحكتك تجيب آخر الشارع، وأنا بحافظ على سمعة مكاني، وأنا بربي اللي بيبجو المطعم.

تعليقات السوشيال ميديا على أسلوب ماما دهب

وقال مستخدم، وأنا إيه يجبرنى أقعد ساعة أو اتنين ف الشارع عشان آكل وبعدين أنا نازله آكل ولا نازلة اسمع محاضرة هي أوفر أوى وإحنا اللي وصلناها لكده.

وقال آخر، يا ريت تحسن المعاملة شوية، وهي مضغوطة بتاخد مقابل لده محدش ليه ذنب فيه، ربنا يصلح حالها.

بينما على آخر: بسيطة اللي عايز ياكل ويسمع محاضرة تمام اللي مش عايز بسيطة برضو مترحش اللي يروح يستحمل، واللي ميرحش براحته دعوا الخلق للخالق.

وقال آخر، أكلها أقل من العادي واللي بتعمله ده نوع من أنواع التسويق، معظم اللي بيروح عندها رايح للتجربة دي وعلشان يسمع الكلمتين بتوعها دول.