استضافت الإعلامية ياسمين عز، مساء اليوم الجمعة، الفنانة  فيفي عبده في برنامج “كلام الناس” والذي يعرض على شاشة mbc مصر.

فيفي عبده مع ياسمين عز 

وسخرت فيفي عبده خلال حلقتها في برنامج “كلام الناس” من كيم كارداشيان بسبب مظهرها والحفاظ على رشاقتها قائلة: “فيه ميكانيكي تحت رجليها عشان كده محافظة على مظهرها، وهي كاريزما، وكلهم بيقلدوها، وجورجينا كمان لذيذة”.

وأكدت فيفي عبده  في نفس اللقاء أنها تعكف في الوقت الحالي على تجهيز برنامج جديد يخص “الحموات” موضحة: “شغالة على برنامج يخص الحموات”.

وكشفت فيفي عبده في نفس اللقاء عن موقف طريف في أحد الأفراح قائلة: “كان فيه فرح، العروسة اتطلقت فيه بعد ما دلقت الكوباية على طليقها قالها: “انتي عمية”! راحت قالتله طلقني وهي من الأول كانت اتمة”.

ومن ناحية أخرى كانت قالت الفنانة والراقصة فيفي عبده: "قمة الأمان بتتجسد عندي في بلدي مش في الفلوس ولا الشهرة، ودلوقتي أنا فرحانة ببلدي وعائلتي".

ضياع أموال فيفي عبده

ولفتت خلال الجزء الثاني من لقائها ببرنامج "حبر سري" الذي تقدمه أسما ابراهيم بقناة "القاهرة والناس":"انا مرة فلوسي كلها ضاعت برة مصر وجيبتها، اتزحلقت من تحت باطي وجيبتها".

دعاء فيفي عبده

وأكدت فيفي عبده: "أنا كل يوم بدعي لربنا بقوله طول في عمري شوية لإني مشوفتش الدنيا، المرض بيخوفني وغدار وعلشان كده الصحة تاج علي الرؤوس".

شرط زواج فيفي عبده

وأشارت: "أنا يهمني الحب في الجواز ومش عايزة الفقير اللي هيفقرني، انا عايزة العريس اللي اتجوزه يكون في نفس مستوايا يا ملزمنيش، لو اجتمع العريس الغني مع الحب يبقى كويس، ولو خدنا حد فقير واغتنى بيفلسع".
 

وردت الفنانة والراقصة فيفي عبده، على مقولة "فلوس الرقص حرام إزاي تحكمي وتعملي بيها عمرة"، قائلة: "أنا مبفهمش لا في الدين ولا في السياسة، واللي يفتي في الحلال والحرام الناس بتوع الدين ودلوقتي كل واحد عايز يعمل قاضي".
 

حكم الشرع في أموال الرقص 
 

وأضافت: "ربنا اللي يحكم الرقص حلال ولا لا، الرقص مهنة زي كل المهن وأنا بتعب وأشقى وبروح وربنا اللي يعلم بيا".
 

تعب فيفي عبده 
 

وتابعت فيفي عبده: "مكنتش أحب أبدا أقول لحد على سر الحج والعمرة اللي عملتها وأنا متجهة لربي سبحانه وتعالى من 37 سنة، وربنا هو اللي هيديني المكافأة مش العبد، ومش بعمل للعبد علشان يقولي حرام ولا حلال بس عايزة أقول كفاياكم بقى أنا زهقت من كلامكم كل شوية تقولوا الرقص حرام، مش أنا اللي اخترعت الرقص وكأن أنا اللي اخترعته مع الفراعنة الرقص ده فن ومحترم".

وأكملت: "محدش له باتجاهي مع ربنا وأول مرة أعمل عمرة كان من 37 سنة ومليش دعوة بالفلوس حرام ولا حلال، واللي يفتي فيها بتاع الدين، هو فيه حد بيقف قدام باب الجامع يقول ده يخش ولا ميدخلش".
وواصلت: "أنا ماشية بما يرضى الله ومبظلمش حد وإذا كنت اتجوزت ده حلال ربنا وعملت عمرة وحج زي أي مسلم، وأنا راضية ومرضية من جوايا جدا".
 

علامة الله لفيفي عبده أمام الكعبة
 

ولفتت: "مرة كنت بلف حوالين الكعبة والدنيا كانت زحمة موت فماشية في آخر الصف ناحية الأبواب لقيت نفسي بقول لربنا يا رب لو بتحبني وراضي عليا خليني أمسك الكعبة، وحياة رب العالمين والله العظيم كأن المكان اتفتح ليا علشان ألمس الكعبة وحسيت برضا من عند ربنا وقلت يا كريم يا رب".

رقص فيفي عبده مقابل المال
 

وأكدت: "ممكن أرقص قدام ناس مبحبهاش لو أنا محتاجة الفلوسـ ولكن لو مش محتاجة الفلوس واتعرض عليا مقابل مبلغ كبير إني أرقص قدام ناس مبحبهاش هارفض".

نقدم لكم من خلال موقع (مصر بوست)، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.