علق الإعلامي أحمد موسى على قيام مجموعة من العناصر المسلحة في سوريا بإحراق قبر الرئيس الراحل حافظ الأسد.

وقال موسى خلال برنامج "على مسؤوليتي" المذاع على قناة "صدى البلد": "هو ده الفتح اللي أنت عملته؟ بتولع في قبر؟ بتكبر؟ ما عندك الجولان ياسيدي روح وكبر خدوا بعضكم كده بالسلاح اللي معاكم وروحوا كبروا حرروا الجولان ياسيدي إنما جاي الجولان يقول لا مش هحارب حد أنا العدو بتاعي كان إيران وحزب الله".

وأضاف: "إسرائيل مش عدو يا جولاني؟ أنتوا بتقولوا بنعمل ده عشان نحرر القدس ولما سألوك قلت لا مش هحارب تاني، أنتوا جايين عشان تسلموا سوريا لجيش الاحتلال الإسرائيلي؟ أنت كنت بتتكلم زمان على عمليات جهادية وبتضحكوا على الناس ويلا نجاهد وعلى القدس رايحين شهداء بالملايين ولا شهداء ولا رصاصة وكله أكاذيب وشعارات ودغدغة مشاعر البشر".

وتابع: "هو الكرسي والمناصب والسلطة انسى بقى تحرير أرض وانسى بقى على القدس رايحين، كلموني على السلطة اللي اخدتوها والبلد اللي بتبلعوها النهاردة دا جايب وزير إدارة محلية وجايب وزير عدل ملوش علاقة، جايب مهندس وزير العدل دا لازم يبقى قاضي".

وأكمل: "هو مجرد التمكين والقطيع مكن بقى إدارة محلية ودا يمسك عدل، والعلم ده حاطط علم تنظيم القاعدة جنب علم سوريا يعني الولاء لمين هنا؟".

وواصل: "الولاء لمين للتنظيم والا الدولة مفيش أعلام جنب علم بلدك لو انت معتبرها بلدك الولاء للتنظيم مش الوطن ووجود علمين معناه عدم وجود ولاء للوطن التنظيم أولا وكل البلاد أوطان زي بالظبط كأنك بتشوف هشام قنديل بيشكل حكومة صورة طبق الأصل بس احنا ايه شعب عظيم عمل ايه؟ سنه برة".