وجه السيناريست محمد صلاح العزب انتقادات لاذعة لـ كلمات ألبوم عمرو دياب الجديد والذي يأتي بعنوان ابتدينا، وذلك بعد طرحه أمس على قناته الرسمية بموقع الفيديوهات الشهير يوتيوب، مشيرا إلى أن الكلمات لا تحمل أي معنى.

محمد صلاح العزب ينتقد كلمات ألبوم عمرو دياب 

وكتب محمد صلاح العزب في منشور رصده موقع تحيا مصر على حسابه الرسمي بموقع التواصل الاجتماعي فيسبوك: سيبك من الألحان والتوزيع والموسيقى والطبل والزمر والهيصة وعمرو دياب والتريند وفرحة الصيف وأنا مهما كبرت صغير.. وادخل على اليوتيوب هتلاقي تحت كل أغنية مكتوب كلماتها، اقعد اقرا الكلام ده كده راجل لراجل، من غير دوشة وغلوشة وطرمخة.

وتابع محمد صلاح العزب حديثه: المفروض إن اللي مكتوب ده هو زبدة الزبد، وعصارة آلاف السنين من الشعر العربي والغنائي، والخلاصة المصفّاة لتجارب الحب والشوق والألم والخذلان واللهفة والجنون والمجون واللوعة واليلاهوي سابتني ومشيت أو يا فرحتي رجعت لي وحنت، وعصير خبرات وأدمغة وتاريخ طويل جدا من الشعر والغنا مع أكبر وأغلى مطرب بيغني بالعربي على مدار التاريخ.

محمد صلاح العزب منتقدا كلمات ألبوم عمرو دياب: باتش نفخمها 

واستكمل محمد صلاح العزب: خير يا جماعة، انتو بتقولوا إيه؟  بلاش نصعبها ونكبرها ونفخمها وتاريخ وجغرافيا ونعلي السقف، حاول تطلع منها أي صور أو تراكيب أو حتى إحساس؟ مش مفروض يكون فيه جملة تعلم حتي طلعت غصب عن اللي كاتبها؟ إحساس حلو حتى لو مزيف بس ملفوف في ورق ملون شكله شيك؟ لحظة مراوغة اتقفشت بالصدفة قبل ما تزوغ؟ زلة لسان عبقرية طلعت بالغلط؟ يا عم أي حاجة تيجي من ريحة الحبايب.. مش كده.

أيمن بهجت قمر ردا على محمد صلاح العزب: أعمالك سطحية 

ورد الشاعر الغنائي أيمن بهجت على تصريحات محمد صلاح العزب، قائلا: احنا بنشوف برضه مسلسلات ملو وبتتذاع وبتتنسي وبنسكت وبنحترم زمايلنا برغم تكرار اعمالهم اعتقد  محتاج تركز في شغلك قبل ماتنظر على ناس بتتعب ومقدمه اعمال محترمه، وبنسكت على اعمال سطحيه وبنحترم زمايلنا وبنراعي تعبهم  فالمفروض المعامله بالمثل بس براحتك انت وذوقك مع زمايلك، وبشوف لعذب مسلسلات ساذجه جدا ومكرره وبحترم زمالته وده عهدي بزمايلي بصراحة.