بطرس غالي وزير مالية مصر سابقا وواحد من الكوادر الاقتصادية العالمية وخبرة لاتقدى بثمن اختفى لمدة 13 سنة ورجع تانى بقرار جمهوري.. ايه أسباب عودة غالي لمنصب اقتصادي رفيع المستوى وايه الرسالة اللي الرئيس السيسي عاوز يوصلها للمصريين.. خليكم معانا للآخر وهتعرفوا التفاصيل في الفيديو ده.

 
في الساعات الأخيرة حصلت مفاجأة من العيار التقيل وهي عودة الدكتور يوسف بطرس غالي وزير مالية مصر سابقا وواحد من الشخصيات الاقتصادية والمالية رفيعة المستوى في مصر والعالم كمان ودا بعد قرار  الرئيس عبدالفتاح السيسي رئيس الجمهورية، بإعادة تشكيل المجلس التخصصي للتنمية الاقتصادية، التابع لرئاسة الجمهورية وحسب قرار رئيس الجمهورية رقم 222 لسنة 2024، هيتولى الدكتور حسين محمد أحمد عيسى الرئيس الأسبق للجنة الخطة والموازنة بمجلس النواب منسقًا عامًّا للمجلس وعضوية الدكتور يوسف بطرس غالي وزير المالية الأسبق، والدكتور هاني قدري دميان وزير المالية الأسبق، والدكتور حسام الدين محمد عبدالقادر، والمهندس أشرف موسى صبري خبير التمويل والتكنولوجيا، والمهندس محمد زكي السويدي رئيس اتحاد الصناعات المصرية، وكريم علي عوض سلامة الرئيس التنفيذي للمجموعة المالية هيرميس، وأحمد عاطف حلمي محمد وصيف والدكتورة لميس محمد خالد شعبان العربي.

طيب ايه هي اختصاصات المجلس التخصصي دا؟
شوف حضرتك ده مجلس تقدر تقول عليه بيت خبرة ومطبخ القرار الاقتصادي و بيختص بدراسة واقتراح السياسات الاقتصادية والإنتاجية العامة للبلاد في كل المجالات بما يتضمن تدعيم وتنمية القدرة الإنتاجية وحسن استخدام الموارد المتاحة بالأساليب العلمية والتكنولوجية وكمان مهمته دراسة واقتراح الخطط العلمية التي تستهدف زيادة الإنتاج وتعظيم الاقتصاد القومي وتوفير مستلزمات الإنتاج وتطويرها بالمشاركة مع القطاع الخاص، ودراسة موقف العمالة .

ومن مهام المجلس كمان اقتراح الخطط والبرامج العامة لحسن استخدام الموارد البشرية ورفع كفاءتها الإنتاجية، ودراسة سبل القضاء على أية معوقات تؤثر على عملية النمو الاقتصادي، واقتراح التغييرات التنظيمية والتكنولوجية المطلوبة لإقامة قاعدة اقتصادية قوية، كما يختص بتقديم الدراسات عن الأسواق الخارجية وإمكانيات التوسع في تصدير المنتجات المصرية لها.. يعني المجلس دا بيعتبر المخ والعقل المفكر اللي بيرسم السياسات الاقتصادية للدولة كلها .

طيب ايه سر عودة الدكتور يوسف بطرس غالي وايه الرسالة اللي السيسي عاوز يوصلها ؟
لما الرئيس السيسي قرر يختار الدكتور يوسف بطرس غالي للمنصب الرفيع المستوى كان عاوز يقول إن مفيش إقصاء لكفاءة في مصر طالما مش متورطة في أي اتهامات ولا قضايا فساد وزي ما احنا عارفين إن الدكتور يوسف بطرس غالي ثبتت براءته من كل التهم اللي اتوجهتله وخدةبراؤة نهائية بحكم المحكمة يعني مفيش حاجة بتدين الوزير السابق وفي نفس الوقت مفيش مانع قانوني يمنع عودته للعمل العام ولأنه كفاءة كبيرة الرئيس استعان بيه عشان البلد كلها تستفيد وإن اي كفاءة مصرية هي محل تقدير واهتمام والدولة مطالبة بالاستفادة بكل الكوادر العلمية والاقتصادية وفي كل المجالات طالما ذمتهم نظيفة وغير مدانين وكمان تعيينه بيقول إن الرئيس السيسي مش بياخد حد بذنب حد أو بشنب مرحلة أو نظام سابق.

وبنظرة سريعة للمناصب الدولية للدكتور يوسف بطرس غالي هنعرف قد ايه هو شخصية اقتصادية ومالية كبيرة فهو سبق و تولي منصب رئاسة سياسات الاستثمار بمجموعة “كونكورد إنترناشيونال” للاستثمارات بالإضافة لمنصب عضو مجلس الإدارة غير التنفيذي بشركة “ستانهوب إنفستمنتس” التابعة لها.
ومجموعة كونكورد دي مقرها الرئيسي في نيويورك، ومتخصصة في إدارة صناديق الأوراق المالية والمحافظ الاستثمارية وتقديم استشارات استراتيجيات الاستثمار وتمويل الشركات والتخطيط الاستراتيجي.
كمان يوسف بطرس غالي كان خبير سابق في صندوق النقد الدولي وشغل منصب كبير مفاوضي مصر في برامج الإصلاح التي تم تنفيذها بدعم من الصندوق في أواخر الثمانينيات وشغل عدة مناصب في مجالات التعاون الدولي والشؤون الاقتصادية والتجارة الخارجية، قبل أن يتولى حقيبة وزارة المالية خلال الفترة من 2004 إلى 2011.