كشف الإعلامي محمد الليثي، أن هناك أخبار داخل النادى الأهلي تخص ميشيل يانكون مدرب حراس مرمى الفريق، الذي طلب بضرورة مشاركة مصطفى شوبير في المباريات على حساب الحارس الأساسي محمد الشناوي.

وأوضح محمد الليثي، في تصريحات إذاعية: "يانكون تحدث مع كولر أكتر من مرة الفترة الماضية، وقاله أن الشناوي مش في كامل تركيزه بقاله فترة ومستواه في النازل خصوصًا بعد الإصابة اللي اتعرض لها مع منتخب مصر في فبراير الماضي والتي أجرى بسببها جراحة في الكتف وغاب خمس شهور تقريبًا".

وأكمل: "يانكون طلب من كولر الدفع بـ مصطفى شوبير، لأن اللي حصل من الشناوي في ماتش السوبر الأفريقي الأخير اللي خسره الأهلي ممكن يتكرر تاني عشان الشناوي مش مركز ومستواه بقى وحش".