إيه تأثير رجوع أشقائنا السودانيين لبلدهم على السوق العقاري المصري، لأننا طبعا عارفين إن مع تشريفهم لينا من بداية السنة دي، زادت أسعار الشقق وكمان ارتفعت الإيجارات في كل محافظات مصر، لأن السماسرة استغلوا الأزمة ورفعوا الأسعار بدون وجه حق على المصريين.
طب يا ترى بعد رجوع السودانيين لبلدهم، أسعار العقارات في مصر راحت على فين؟
بص يا سيدي، السوق العقاري المصري بيشهد خلال الأيام الأخيرة، تراجع ملحوظ فى أسعار الوحدات السكنية، خاصة الإيجار، لكن التمليك لسه مستقر نسبيا بدون تغير، وده بسبب عودة عدد كبير من السودانيين إلى السودان، وده ساهم بالتأكيد في ركود في الإيجارات.
والكلام دع معناه، إن الإيجارات حاليا انخفضت بقيمة تتراوح ما بين 2 إلى 3 آلاف جنيه في القاهرة والجيزة يعني أكتر من النص، ورغم كده إلا أن السوق لسه مفتوح للعرض والطلب.
يعني نقدر نقول، إن إيجار الشقة بقى ب 3 آلاف جنيه بعد ما وصل 7 آلاف، من شهرين بالظبط، وبالتالي التغير السريع ده بيعكس التحديات الاقتصادية اللي بيواجهها السوق، لأن كتير من السودانيين رجعوا بلدهم وبالتالي حصلت وفرة في الوحدات السكنية وده ضغط على الأسعار وتسبب في حدوث تراجع ليها.
كل ده لأن سوق الإيجارات بيختلف عن التمليك في العقارات، لأن المتحكم في الأسعار عوامل كتيرة منها وجود اللاجئين، وأسعار مواد البناء، والأراضي وغيرها من الأسباب.
والكلام اللي فات ده بالنسبة للإيجارات، أما بالنسبة للمصريين اللي بيدورا على شقة جديدة، فوزارة الإسكان زفت بشرى سارة لهم، وهي أكبر طرح للوحدات السكنية الجاهزة للتسليم الفورى، والطرح ده بيتضمن 6575 وحدة سكنية في 15 مدينة جديدة.
والمدن المطروح فيها الشقق الجديدة هي: (القاهرة الجديدة- العلمين الجديدة- المنصورة الجديدة ـ 6 أكتوبر- أكتوبر الجديدة- حدائق أكتوبر- بدر- العبور- الشروق- العاشر من رمضان- السادات- المنيا الجديدة- غرب قنا الجديدة- ناصر «غرب أسيوط»- دمياط الجديدة).
عشان كده، وزارة الإسكان بتتوسع في طرح الوحدات السكنية بمختلف أنواعها، عشان تلبس الطلب المتزايد على الوحدات بالمدن الجديدة، وده تنفيذا لتوجيهات القيادة السياسية من ناحية، ودفع عجلة التنمية في المدن دي من ناحية تانية، بالإضافة لتحقيق رغبة المواطنين بمختلف شرائحهم في التملك وخاصة الشباب المقبل على الجواز ، وتحقيق التنمية المطلوبة.
وفي الفترة الجاية، هيتم تعزيز تشغيل منظومة النقل الداخلي والخارجي في المدن الجديدة وبين الوحدات المطروحة اللي بتتنوع ما بين سكن مصر ودار مصر وجنة مصر ، وإسكان متميز، وغير ده، لتلبية رغبات المواطنين وبجانب الوجدان دي هيتم قريب جدا إتاحة 409 وحدات "جنة" بمساحات مناسبة وخدمات متطورة وبأسعار في متناول الجميع.
وفي النهاية، نقدر نقول إنك لو عايز تسكن تأجير أو تمليك، فكل الظروف في صالحك.
إخلاء مسؤولية إن موقع مصر النهاردة يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق