أغلب المصريين لو معاهم تحويشة بيجروا على الدهب، لأنه ملاذ آمن للاستثمار يعني مابيخسرش وبتبقى الفلوس مضمونة، لكن هل حضرتك تعرف إن الفضة هي كمان بتحقق أرباح محترمة زي الدهب، وممكن كمان تحط فلوسك فيها وأنت مطمن.

القصة باختصار، إن أسعار الفضة شهدت ارتفاع ملحوظ منذ بداية السنة ذي، ووصلت نسبة الزيادة لـ 32%، وده كان بسبب صعود أسعار الفضة عالميًا وزيادة الإقبال عليها محليًا.

ونقدر نقول، إن سعر جرام الفضة عيار 999 سجل 49 جنيه، وسعر عيار 925 ب 45 جنيه، وعيار 900 ب 39 جنيه.

وكتير مايعرفش، إن سوق الفضة بيشهد إقبال كبير خاصة على السبايك، من بداية السنة اللي فاتت 2023، وده جه بالتزامن مع ارتفاع سعر الذهب وتخطى سعر العيار 21 قيمة 3600 جنيه واحتمال كبير يوصل الى 4 آلاف جنيه قريب اووي.

عشان كده، توقعات أسعار الفضة في مصر خلال الفترة الجاية، بتقول إنها رايحة على ارتفاع بسبب زيادة الطلب عليها واستهلاك كميات كبيرة من الفضة عالميًا في صناعات كتير، يعني ممكن يوصل سعر عيار 999 لـ 60 جنيه للجرام الواحد.

وقبل ما تشتري الفضة، هنقولك على شوية نصايح عشان مايضحكش عبيكغ، واللي أولها إن حضرتك تتأكد من وجودة علامة مصلحة الدمغة والموازين عليها، وكمان تشتري من ماركة معروفة، وماتنساش تسلم فاتورة مكتوب فيها سعر الجرام واسم الشركة ووزن السبيكة، وياريت تشتري السبايك بدل المشغولات لأنها أفضل في الادخار.