أكد الإعلامي عمرو أديب، أن زيادة أسعار الوقود سوف تستمر إلى العام المقبل، مشيرا إلى أن الحكومة تسعى لرفع الدعم بالكامل عن المحروقات.

وقال أديب خلال برنامج "الحكاية" المذاع على قناة "أم بي سي مصر": "أنت من هنا لغاية 2025 هيفضل دا يحدث وهذا أمر لازم كلكم تريحوا نفسكم منه خالص محدش بيحب أن الأسعار تزيد ولكن هذا أمر نحن نعرفه في ناس أبدت دهشتها وأنا بقولك الأسعار هتفضل ترفع لغاية لما تتوازن توازن واضح".

وأضاف: "بعد أسبوعين تلاتة بعثة الصندوق جاية تزورك ومن ضمن شروط الصندوق أنك تحرر أسعار المحروقات وأنت مش بتعمل ده للصندوق أنت بتعمل إصلاح اقتصادي".

وتابع: "الناس الشهر اللي فات جالها فاتورة كهرباء مزعجة فأنت مصروف الطاقة إن كانت كهرباء أو محروقات والبند بتاع الطاقة ده واخد مبلغ محترم خصوصا الزيادة اللي حصلت في الغاز وسعر الكهرباء والفواتير قوية جدا".

وأوضح: "اما اكلم حضرتك عن الناس في مصر زمان كنت أكلمك على الطبقة على القادرة والمتوسطة ولكن الآن بنكلم عن جميع الطبقات والآن بتسمع من الطبقات اللي مكنتش بتسمع منها الشكوى أو الانزعاج دلوقت بيكلمت أنه منزعج من فاتورة الطاقة".

وأكمل: "هذا الأمر ليس سرا حضراتكم عارفين فاتورة الكهرباء جاية كان والمصروف اللي بتحطة في عربيتك بقي رقم تاني المواصلات زادت وفي نفس الأخبار السادة المحافظين نزلوا يشوفوا الأسعار".

وواصل: "المنتج المصري بيتكلك لو زيادة البنزين 2% بيعملها 8% وبيقولك أنت مش شايف البنزين بقي بكام؟ نقفل والا ايه؟".

وذكر: "الحكومة بتقولك أنا لازم اعمل إصلاح اقتصادي واظبط الميزانية بتاعتي السؤال الذي يطرح نفسه إذا كانت أنت لازم تعمل كده الناس هتعمل ايه؟ أنت شايل أيدك وزودت وقللت الفجوة اللي عندك في هذا الأمر أنا بقي المواطن اعمل ايه؟ ماذا أفعل هدبر ده منين؟".

واختتم: "أنا عندي عيال بينزلوا الصبح بيركبوا ميكروباص يروحوا المدرسة انا عندي فاتورة كهرباء كذا كذا المصروف دا زاد".