توعد المستشار مرتضى منصور رئيس نادي الزمالك السابق لاعب النادي الأهلي إمام عاشور بعد بالونة الاحتفال بهدفه في مباراة سموحة والتي ترمز إلى نادي الزمالك.

مرتضى منصور يتوعد إمام عاشور

وجاء تعليق مرتضى منصور على ما وصفه بـ«واقعة البالونة البيضاء» "ورحمة أمى يا إمام لأربيك، وكفاية إنه المحامي أشرف عبدالعزيز بتاعك كلمنى بالليل وقالى دا واد ملهوش قيمة ولا ليه لازمة".

وأضاف مرتضى: «الكل شاف اللي حصل.. دي بالونة بتعبر عن الزمالك، وإزاي يعمل كده؟ عيب على لاعب كبير زي إمام عاشور».

وتابع حديثه موجهًا رسالة لرئيس النادي الأهلي محمود الخطيب: «العيب مش بس على إمام عاشور، العيب الأكبر على الكابتن محمود الخطيب اللي شاف الموقف ده وسكت عليه».

وفي ختام تصريحاته، توعد مرتضى منصور بالرد على هذه الواقعة قريبًا، قائلًا: «اللي حصل ده مش هيعدي بالساهل».

سيارة مرتضى بـ 10 ملايين

كما سخر مرتضى من مقطع فيديو نشره أحد المصورين، زاعمًا أن سيارته تساوي 10 ملايين جنيه، ورد قائلًا: يا جماعة سيارتي دي أنا جايبها من 5 سنين بـ3 ملايين جنيه، إزاي أنا اللي ما أقدرش أجيب عربية بـ10 ملايين؟! ده محمد رمضان عنده أسطول عربيات»، مضيفا أنه حتى ابني أحمد معاه عربية بمليون و200 ألف جنيه، مش عايز أقول إنها بـ22 مليون زي ما الناس بتقول.