هو إيه اللي بيحصل في ملف الغاز الطبيعي في مصر وازاي هترجع تصدر لاوربا من تاني رغم نقص الإنتاج الحالي في حقولها وهتحقق دا ازاي وهتستفيد ازاي لحل أزماتها في المواد البترولية.. خليكم معانا للآخر وهتعرفوا التفاصيل في الفيديو ده 
 

 
عارفين كلنا طبعا الانتكاسة الخارجة عن الإرادة اللي حصلت في قطاع الغاز الطبيعي المصري بعد الانخفاض الكبير في إنتاج حقل ظهر أكبر الحقول المصرية ودا لأسباب طبيعية وشفنا إزاي مصر اضطرت ترجع تستورد غاز من بره بسبب موجة الحر الشديد وزيادة استهلاك الوقود والغير مسبوق في محطات توليد الكهرباء ودا رفع من حدة الأزمة لكن الحكومة المصرية مسكتتش وطرحت عشرات المناطق الجديدة للتنقيب عن الغاز الطبيعي في البر والبحر والشركات الأجنبية يتسابق الزمن عشان تنقب على الغاز وتضيف حقول جديدة لخريطة الإنتاج والمؤشرات بتقول إن فيه بشاير كبيرة للغاز خاصة في منطقة امتياز حقل ظهر القديم واللي بتقوم بيها شركة ايني الإيطالية ودا غير مناطق التنقيب في الدلتا وسواحل البحر الأحمر.
طيب ايه الجديد في ملف الغاز الطبيعي ؟
شوف حضرتك الحكومة المصرية بتخطط لإعادة تصدير الغاز الطبيعي لاوربا في الوقت الحالي لكن مش من الحقول المصرية لكن هيكون من حقول دول تانية في حوض البحر المتوسط زي قبرص واللي اكتشفت مؤخرا  حقل غاز احتياطياته تزيد على 2.5 تريليون قدم مكعبة وأغلب التوقعات بتقول إن قبرص هتستغل إمكانيات البنية الأساسية المصرية في تسييل الغاز من في العودة إلى تصدير الغاز المسال مرة تانية إلى القارة الأوروبية، وعومة الدور المحوري لمصر في تجارة الطاقة بالشرق المتوسط.

وزير البترول والثروة المعدنية المصري كريم بدوي، في الساعات الأخيرة بحث مع مسؤولي إيني الإيطالية، خطط الشركة لتطوير الحقول بمنطقة شرق البحر المتوسط، وخطط ربطها بالتسهيلات المصرية وركزت المباحثات، اللي تابعتها منصة الطاقة المتخصصة ودي منصة مقرّها واشنطن حول مستجدات ربط حقل غاز كرونوس في قبرص بالتسهيلات المصرية على ساحل البحر المتوسط، وإعادة نقل الغاز بعد كده إلى الأسواق الخارجية، ودا هيعزز  دور مصر بصفتها مركز إقليمي لنقل الطاقة وتجارتها.

ويتوقع أن تكون مصر بوابة عبور الغاز القبرصي، واللي تُقدر احتياطياته المكتشفة لغاية دلوقتى بـ15 تريليون قدم مكعبة، ومتوقع توصل إلى 2.5 تريليون قدم ، مع طموحات ببدء التصدير إلى القارة الأوروبية عبر محطات الاسالة المصرية.

وحسب المعلومات حقل كرونوس القبرصي بيعتبر فرصة لمصر لتأمين إمدادات إلى السوق المصرية بأسعار تفضيلية بعد توقف مصر  عن تصدير الغاز المسال والعودة إلى الاستيراد بسبب الاستهلاك الكبير من ناحية ومن الناحية التانية انخفاض الإنتاج زي ما قلنا.

من ناحية تانية وزير البترول المصري بحث تحديدا مع الرئيس التنفيذي لعمليات الموارد الطبيعية بشركة إيني الإيطالية جويدو بروسكو، على هامش فعاليات معرض غازتك 2024 في مدينة هيوستن الأميركية، سبل الإسراع في تنفيذ خطط التنمية والإنتاج من حقول واكتشافات الغاز والنفط الخام لتأمين الاحتياجات المحلية.