إيه قصة الاستكشافات البترولية الجديدة اللي وزارة البترول هتعلن عنها قريب، وهل هي في الصحراء الغربية ولا البحر المتوسط ولا أماكن جديدة على خريطة الاستكشافات، وإزاي هيتم استغلالها لحل الأزمات زي أزمة الكهربا.
في الساعات الأخيرة، وزير البترول والثروة المعدنية المهندس كريم بدوي، اتكلم عن الفرص الاستثمارية في مجال البحث والاستكشاف والإنتاج المطروحة عبر بوابة مصر الرقمية للاستكشاف والإنتاج، واللي بتضم 42 فرصة استكشافية في البحرين الأبيض المتوسط والأحمر ودلتا النيل والصحراوين الشرقية والغربية.
وكمان قايمة الفرص دي بتشمل 4 اكتشافات في البحر المتوسط، و15 فرصة في مجال استغلال الحقول القديمة والمتقادمة بخليج السويس والصحراء الغربية ودلتا النيل، وده بيجي فق الوقت اللي وازرة البترول حريصة فيه جدا أن على تحقيق أهداف مصر في النمو والتنمية واستغلال ثرواتها البترولية والتعدينية اللي موجودة، عشان تحقق الاستغلال الأمثل لثرواتها، وده هيقدر ينقل مصر مش بس لدولة إنتاج الوقود لكن كمركز إقليمي للطاقة والاستفادة من كل اللي بيوفره قطاع البترول من فرص استثمارية متنوعة، وكل اللي بيتميز به من إمكانيات عشان تقدر تجذب الاستثمارات الأجنبية.
والوزير كمان اتكلم على دور الترويج واستغلال الفرص لتشجيع دخول استثمارات جديدة تقدر تستهم في تحقيق أهداف زيادة الإنتاج، وأكد إن الوزارة والهيئات والشركات القابضة بتقدم كل الدعم للمستثمرين في الفرص دي، وكمان بتقدم الخدمات والدعم الفني المطلوب من خلال شركات الخدمات والمقاولات وشركات القطاع، اللي بتمتلك خبرات متراكمة في هذا المجال.
نيجي للدكتور محمد رضوان، مدير عام بوابة مصر الرقمية للاستكشاف والإنتاج واللي عرض على الوزير ، خطة الاستفادة من الفرص المطروحة عليها ببيانات وافية نقدر نقدمها للمستثمرين المهتمين بالقطاع ده، وقال إن في 61 فرصة استثمارية حاليا، في مجال البترول والغاز، ولو استغليناها كويس كستثمارات فالعائد بتاعها هيكون مريح جدا وهينقلنا في حتة تانية خالص.
ومن هنا، والوزير أكد على تقديم الدعم الكامل لتسهيل الاستثمارات دي، ووعد بعقد اجتماعات وورش عمل مختلفة مع المستثمرين المهتمين، وأن البوابة خصصت فريق عمل متاحا لتوضيح جميع الأمور اللي بيحتاجها المستثمر، كمان هيتم مناقشة بنود الاتفاقية لكل منطقة مطروحة للتوافق بخصوص الجدوى الاقتصادية اللي هتحقق المنفعة لكل الأطراف.
وعشان نزود الاستثمارات في مجال الاستكشافات البترولية، فمطلوب توفير إمدادات الطاقة وتنوع مصادرها لأنها أمن قومي لمصر، كمان مطلوب التسويق اللي يشجع القطاع الخاص على استغلال الفرص الاستثمارية بقطاع البترول، واللي بتتسم بالربحية الكبيرة، ضيف على كده إن من المهم إن قطاع البترول يشتغل بنموذج الاتفاقيات الواضح بالقانون، واللي يضمن حقوق المستثمر في ظل التزام مصر المستمر نحو شراكاتها واتفاقاتها.
كمان مطلوب الدراسة الجيدة والمتكاملة للفكرة والترويج لها، ومن ثم اجتذاب استثمارات جديدة، وده بجانب العمل على معالجة مشاكل المستثمرين وإزالة كل التحديات قدامهم، لأن دعم الاستثمار في المناطق البترولية مهم جدا لأنه بيقلل فاتورة الاستيراد من ناحية، وبيذلل الصعاب قدام الراغبين في الاستثمار فيه.
إخلاء مسؤولية إن موقع مصر النهاردة يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق