أكد مجدي عبد الغني لاعب النادي الأهلي ومنتخب مصر السابق، أن محمد صلاح نجم ليفربول هو الأسطورة الحقيقية في كرة القدم المصرية. 

مجدي عبد الغني: محمد صلاح نجم النجوم 

وقال مجدي عبد الغني في تصريحات مع الإعلامية ياسمين عز في برنامج كلام الناس: «محمد صلاح نجم النجوم وهو الأسطورة الحقيقية لكرة القدم المصرية، ومعتقدش في يوم من الأيام انه ممكن يجي زيه في التاريخ». 

وأضاف مجدي عبد الغني: «موضوع مؤمن زكريا كله كان كدب، ومعملتش حاجة وكنت نايم في البيت معرفش أي حاجة». 

وواصل مجدي عبد الغني: «طوال حياتي عملت اكتر من مليون جنيه الحمد لله، والبحر يحب الزيادة». 

وتابع مجدي عبد الغني: «أكرم توفيق لو متجوز اتنين وبيلعب كورة تبقى مصيبة سودة مش هنلاقيه بعد سنة، وفيه لاعيبة بتشرب شيشة دلوقتي وديه كارثة انا كنت بدوخ من ريحة الدخان». 

ووجه مجدي عبد الغني نصيحة لياسمين عز في نهاية اللقاء: «لازم تعملي لقاء مع محمد صلاح هتعجبي بفكره وشخصيته اوي». 

تصريحات مثيرة لمجدي عبد الغني مع ياسمين عز 

وقال مجدي عبد الغني في تصريحات مع الإعلامية ياسمين عز في برنامج كلام الناس: «كولر السبب هو ولاعبي الأهلي في خسارة النادي للقب السوبر أمام الزمالك، يتحملوا المسئولية بشكل كامل بسبب ما حدث قبل المباراة».

وأضاف مجدي عبد الغني: «احتفال رامي ربيعة ليس له معني مفهمتهوش وسبب من أسباب خسارة الأهلي، وسمعت أن لاعبي الفريق كانوا سهرانين قبل المباراة وكل ذلك يؤثر بشكل سلبي على أداء أي لاعب في أرضية الملعب».

وواصل مجدي عبد الغني عن هجومه على محمود كهربا: «كهربا أداءه في الملعب مش زي الأول، مش ده كهربا بتاع الزمالك ولا بتاع أول المواسم مع النادي الأهلي، لكن هو مش في دماغي لا هو من سني ولا بينافسني، لاعب الكرة أداءه يتأثر سلبيًا في حالة السهر وعدم الالتزام».

وأتم مجدي عبد الغني حديثه: «كان عندي طموح اتولي مسئولية إدارية في النادي الأهلي، وكان فيه حاجات نفسي احققها مع النادي ومساندتي لمحمود طاهر جاءت بسبب عمله داخل النادي، اديت رسالتي مع النادي ولا اعتقد أني هشتغل فيه تاني».