تحدثت الإعلامية ياسمين عز عن الفيديو المنتشر لفتاة تقبل خطيبها بعد قراءة الفاتحة، منتقدة التطاول في أيام الخطوبة، كما تحدثت أيضا عن الجهاز والرفايع ومبلاغة العروسة في شراء الأشياء لنفسها، وفي ذلك الإطار يرصد تحيا مصر أبرز تصريحات ياسمين عز.
تصريحات ياسمين عز في برنامج كلام الناس
- زمان عشان الراجل يمسك ايد خطيبته بيلعب معاها سبت حد.. قراية الفاتحة دي كانت اسمها ربط كلام عمرها ما كانت بتنتهي ببوس أو أحضان.
- لو خطيبتك اسمها شيماء تعامل بحذر شديد لانها بتكون شخصية متناقضة ومترددة.. دي اسمها شاي سخن حرارة وماء برودة دي شيء ونقيضه.
- أول مرة نشوف قراية الفاتحة فيها قبلات وأحضان.. لو الفاتحة دي انتهت هتعملي اي؟ وفين الأهل والتوعية.. زقوا الجوازة يجماعة وشوفوا الهم التقيل اللي قدامكم.
- مين مخترع الرفايع! ده اكيد أم العروسة عشان حمادة يلاقي نفسه دافع 200 ألف جنيه رفايع وفي الاخر اعمله بطاطس محروقة ورز معجن.
- ليه النيش ملهوش لازمة إلا لو لعبتي مع جوزك كورة في الصالون وخلتيه يجيب جون في النيش.
ياسمين عز تتحدث عن علامات اعجاب الرجل بالمرأة
هذا وكانت قد تحدثت ياسمين عز عن علامات اعجاب الرجل بالمرأة، قائلة: فيه 3 علامات لإعجاب الرجل بالمرأة لو عملتيهم هيعجب بيكي.. معملتهمش هو كدة كدة بيعجب بأي واحدة عادي, أول حاجة الراجل بيعجب بالمرأة اللي بتشاركه اهتماماته يعني لو بيحب الكورة اقفي جون قدام الناس وصدي الكورة عشان النيش ميتكشرس، لعبيه طاولة، خليه يحبسك في المحبوسة لو انتي مش هتتحبسي مين هيتحبس العبي معاه وشاركيه طلمبه عن العربيات وركنتك اللي ميعلم بيها الا ربنا .
ياسمين عز توجه رسالة للمطلقات
وجهت ياسمين عز رسالة للمطلقات وذلك بسبب أحداث مسلسل البحث عن علا 2 التي أشارت إلى حياة المطلقات التي تكون أفضل بعد الزواج، وأكدت ياسمين عز أن هذه الأحداث غير واقعية، وقالت: “لما تطلقي وانتي ساحبة قرودك وماشية خليكي عارفة إنك مش هتلاقي ظافر عابدين مستنيكي، في الواقع هيبقى مستنيكي مكرونة بشاميل للعيال وراجل هيجي يصلحلك الثلاجة البايظة.. فـ خليكي عاقلة وخلي بالك من جوزك وبيتك”.
0 تعليق