مصر بتتمتع بعلاقات قوية ووثيقة مع أشقائها العرب.. علاقات سياسية واقتصادية تاريخية مش وليدة اللحظة.. وفى عز الأزمات مصر وأشقائها كانوا سند وضهر لبعض .. حصل ده في أكتر من موقف ومع أكتر من بلد.. ورغم كده ناس كتير كانت بتشكك وتحاول الوقيعة بين مصر واشقائها واللى يقولك يا عم الدول العربية باعت مصر واللى يقولك خلاص مفيش استثمارات عربية هتدخل البلد تاني .. وكلام كتير من النوعية المحبطة دي.. بس يا ترى لغة الرقام بتقول إيه ؟ وهل فعلا الدول العربية توقفت عن ضخ استثمارات في مصر؟

أحلى حاجة فى الاقتصاد انه بيتكلم بلغة الأرقام.. يعنى مفيش مجال للعواطف ولا الكلام اللى فى الهوا .. يعنى فى السياسة مثلا يقدر أى حد يهبد ويقول أى كلام.. لكن فى الاقتصاد كل حاجة محسوبة بالورقة والقلم.. وعشان كده  أى حد بيقولكلام عن تراجع الاستثمارات العربية فى مصر  يقدر يشوف الأرقام ويحكمه بنفسه

طب الأرقام بتقول ايه ؟

بص يا سيدي.. وفقاً لبيانات حديثة صدرت عن البنك المركزي المصري. تلقت مصر صافي تدفقات استثمارية من الدول العربية بقيمة 18.55 مليار دولار خلال أول 9 شهورمن العام المالي السابق.. البيانات كشفت كمان  أن استثمارات الدول العربية القادمة إلى مصر قفزت بنحو 16.09 مليار دولار خلال الربع التالتت من العام المالي 2023/2024 مقابل استثمارات وافدة من الدول العربية بقيمة 2.46 مليار دولار خلال النصف الأول من نفس العام.

طبمين أكتر دولة عربية ضخت استثمارات في مصر؟

وفقا للأرقام المعلنة تصدرت دولة الإمارات العربية المتحدة استثمارات الدول العربية فى مصر بصافي تدفقات بلغ حوالى 15.54 مليار دولار خلال الربع التالت من العام 2023/2024، كلها تم ضخها في استثمارات إنشائية ومشروعات عقارية كبرى

ومن أهم أسباب القفزة الكبيرة في استثمارات الدول العربية لمصر بالربع التالت وخصوصا الاستثمارات الوافدة من الإمارات هو توقيع مصر في فبراير اللى فات صفقة رأس الحكمة باستثمارات بلغت 35 مليار دولار وده بعد ما استلمت مصر 15 مليار دولار على دفعتين في مارس وفبراير  جزء منها متمثل في ودائع.

ومن المتوقع استمرار طفرة التدفقات الاستثمارية المباشرة الإماراتية خلال الربع الأخير من العام المالي اللى فات نتيجة لاستلام مصر 20 مليار دولار من الاستثمارات المبرمة خلال أبريل ومايو 2024.

طب هل الامارات بس اللى ضخت استثمارات عربية مباشرة ؟

مش الامارات لوحدها اللى وسعت من حجم استثماراتها المباشرة فى مصر فيه كمان المملكة العربية السعودية اللى أعلنت مؤخرا ضخ 5ملياردولاركمرحلة اولى من صندوق الاستثمرات العامة فى مصر بالاضافة الى استثمارات مباشرة تخطت ال 10 مليار دولارتم ضخهم فى السنين اللى فاتت .. ومع الامارات والسعودية فيه استثمارات كبرى دخلت من قطر والكويت فيقطاعات مهمة وحيوية فى الاقتصاد المصري وكل الأرقام اللى تم ضخها هتعمل انفراجة كبرى فى ازمة الدولار اللى مصر بتعانى منها بقالها حوالى 3 سنين