يا ترى ايه آخر التطورات فى صفقة رأس الحكمة ؟وليه الكلام عن المشروع ما بقاش زي الأول ؟وامتى المشروعات الجديدة هتبدأ تتنفذ ؟ وهل فقعلا هيتم الاعلان قريبا عن صفقة رأس بناس اللى بتعتبر واحدة من أكبر الصفقات اللى مصربتجهزليها فى الفترة الأخيرة؟
من ساعة ما تم الاعلان عن صفقة تطويرمنطقة راس الحكمة بين مصروالامارات وكل الناس قاعدة مستنية تشوف ايه اللى هيحصل وايه المشروعات اللى هيتم تنفيذها هناك خصوصا وان اجراءات الصفقة كلها تمت وانتهت بشكلرسمي والجانب الامارتي سد المبلغ المتفق عليه والأرصدة كلها دخلت البنك المركزي
فيا ترى امتى هيتم وضع حجر أساس المشروع ؟ وامتى العجلة هتدور هناك؟
وفقا لتصريحات رسمية على لسان مساعد وزير الإسكان ، عبد الخالق إبراهيم فالشركة الإماراتية اللى تعاقدت على مشروع التطوير بدأت بالفعل في تنفيذ أعمال الإنشاءات في مشروع رأس الحكمة.. وخلال 4 أيام من دلوقتى هيتم وضع حجر الأساس وهيتم طرح المرحلة الأولى من المشروع على مساحة 10 آلاف فدان ومن المتوقع أن تستمر أعمال التنفيذ لمدة 3 سنين.. وهيشارك فى أعمال الانشاءات عدد كبير جدا من شركات المقاولات المصرية وهيتم توفيرمئات الالاف من فرص العمل
طب ايه اللى هيعملوا المشروع ده فى مصر ؟
المشروع ده الحكومة والدولة بشكل عام بيراهنوا عليه لتحزيلمنطقة الساحل الشمالى الى وجدهة عالمية للسياحة والاستثمار فى مصر واللى يفسرلك اهمية المشروع المبلغ الضخم اللى مصر نجحت فى الحصول عليه مقابل تطويره وهو 35مليار دولار ومفيش شركة ولا دولة هتيجي تدفع المبلغ ده فى مشروع الا وهى عارفة قيمته والأرباح اللى ممكن تحققها من وراه مستقبلا
طبهل فيه مشروعات تانية غير رأس الحكمة هيتم تطويرها الفترة الجاية؟
رئاسة مجلس الوزراء شغالة حاليا على تطوير تشريعات قانونية هدفها زيادة الوحدات المتميزة اللى تلبي احتياجات السوقين المحلي والعالمي بشكل يعزز من مكانة مصر كوجهة عالمية للاستثمار .. ووفقا للمعلومات اللى تم الكشف عنها فالحكومة بتدرس حاليا أفكار كتيرة لتكرار نموذج مشروع رأس الحكمة، والدولة حاليا فى مرحلة الإعداد لمخطط استراتيجي لتطوير منطقة “رأس بناس” جنوب مرسى علم بمحافظة البحر الأحمر.. وده مشروع ضخموميقلشفيقيمته ولا أهميته عن مشروع رأس الحكمة وفيه اهتمام كبير جدا من أكتر من صندوقسيادي عربي للدخول فى تطوير المشروع وضخ مليارات الدولارات ..وبنسبة كبيرة وفقا للتسريبات المملكة العربية السعودية الشقيقة هى الاقرب للفوز بالمشروع ده خصوصا بعد زيار رئيس الحكومة للرياض مؤخرا واعلان ولى العهد الامير محمد بن سلمان ضخ 5مليار دولاركمرحلة اولى فى السوق المصرية.
ومن المشروعات المهمة كمان اللى بتعول عليها الحكومة ان هيئة المجتمعات العمرانية بتدور حاليا عن شريك استراتيجي لإدارة وتشغيل منطقة الأعمال المركزية بالعاصمة الإدارية الجديدة مع صياغة هوية مميزة للمنطقة بهدف تحويلها لمركز لجذب الاستثمارات الأجنبية في مجالات المال والأعمال.
إخلاء مسؤولية إن موقع مصر النهاردة يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق