مصر حاليا في علاقة شراكة قوية بدول الاتحاد الأوروبي، وحاليا في تكامل سياسي واقتصادي بين مصر وبين دول الاتحاد الأوروبي وفي مليار يورو جايين في الطريق لمصر من الاتحاد الأوروبي.. ياتري اية حكاية المليار يورو دول وهنعمل بيهم ايه.. شوف التفاصيل في التقرير  ده خليكم معانا للآخر

مصر في الفترات اللي فاتت وتحديدا في عهد الرئيس عبدالفتاح السيسي اعادت بناء العلاقات مع اغلب دول العالم، وحاليا في تكامل بين مصر وكل دول العالم سواء اقتصادي أو سياسي، والعلاقات دي فتحت لمصر اسواق كتيرة تقدر تستغلها في حركة التصدير والتجارة الخارجية، واحدة من اهم العلاقات اللي مصر عملتها في الالفية الجديدة هيا علاقتنا بدول الاتحاد الاوروبي.
طيب اية حكاية المليار دولار بتوع الاتحاد الأوروبي وسببهم اية؟.
الدكتور رانيا المشاط وزيرة التخطيط والتعاون الدولي المصرية، قالت إن بعثة من الاتحاد الأوروبي تممت مراجعة الإصلاحات الاقتصادية وصرف تمويل بقيمة مليار يورو، والفلوس دي سببها الشراكة اللي موجودة بين مصر ودول الأتحاد الأوروبي في التجارة والطاقة النظيفة مرورا بادارة الهجرة، خصوصا أن الاتفاقيات هي أفضل طريقة للتصدي لتدفق المهاجرين الي دول الأتحاد الأوروبي.
طيب مصر فيها كام لاجئ من دول تانية عايشين علي ارض مصر وبتعاملوا زي المصريين؟.
مصر هيا أكتر دول عربية في تعداد السكان، واستقبلت في السنين اللي فاتت ما يقرب من 9 ملايين مهاجر ولاجئ منهم 4 ملايين سوداني و1.5 مليون سوري بالإضافة لعدد كبير من الجنسيات التانية .
وزي ما احنا عارفين إن ملف الهجرة دي عامل مشاكل كتيرة جدا لدول الاتحاد الأوروبي والمشاكل الاقتصادية اللي بتمر بيها أغلب الدول في الوقت الحالي وخصوصا في دول الشرق الأوسط وقارة افريقيا فتحت باب كبيرة لهجرة أعداد كبيرة من الافارقة والدول اللي فيها صراعات علي دول قارة أوروبا.

طيب هل المليار يورو اللي هيقدمهم دول الاتحاد الأوروبي هم أول دعم لمصر ولا كان في حاجة تانية؟.
زي ما قولنا لحضراتكم أن التعاون بين مصر ودول الاتحاد الاوروبي مش من النهاردة، ده من فترات بعيدة، وكان قبل كده الاتحاد الأوروبي أقر حزمة تمويلية استثمارية لمصر بقيمة 7.4 مليار يورو حوالي 8 مليار دولار هيتم صرفها علي مراحل لحد سنة 2027، بالإضافة الي التعاون بين مصر ودول الاتحاد الاوروبي في ملفات تعزيز الديمقراطية وحقوق الإنسان، والـ7.4 مليار يورو دول عبارة عن 5 مليارات يورو حزمة مساعدة مالية كلية في صورة قروض ميسرة بفائدة منخفضة وفترة سماح لا تقل عن 20 سنة، وفعلا تم اقرار صرف أول مليار يورو من إجمالي التمويل المخصص له، ده غير 1.8 مليار يورو استثمارات إضافية وفقا لخطة الاتحاد الاقتصادية والاستثمارية لدول الجوار الجنوب، بالإضافة الي 600  مليون يورو في صورة منح لا ترد؛ تتضمن 200 مليون دولار لإدارة ملف الهجرة.