تامين رغيف الخبز يعتبر واحد من اهم القضايا القومية للدولة المصرية، واللي لو حصل فيه اي تقصير هتعمل مشكلة كبيرة في الدولة كلها.. يا تري مصر بتعمل اية في ملف توفير واستيراد القمح من الخارج.. واية هيا خطة مصر لخفض واردات القمح في الفترة اللي جاية.
توفير رغيف الخبر واحد من القضايا القومية لمصر في الوقت الحالي، والقمح ده هو أول واكبر حاجة بتستهلك الموارد الدولارية اللي مصر بتخصصها للاستيراد السلع اللي بيحتاجها الشعب المصري، خصوصا أن مصر هيا اكبر دولة في العالم بتستورد كميات قمح من الخارج لتغيطة انتاج رغيف الخبز المدعم .
طيب اية اللي بتعمله مصر في موضوع تامين القمح اللازم لأنتاج رغيف العيش؟.
في الفترة الحالية، مصر وضع خطة لخفض واردات القمح وخفض الإنفاق الدولاري على الخبز المدعوم، والخطة دي بتقوم علي إضافة الذرة والذرة الرفيعة لمكوناته العيش المدعم، والخطة دي هتوفر لمصر ملايين الدولارات خصوصا أنها هتخفض تكلفة رغيف الخبز من القمح واللي اغلبه بيكون مستورد، بس الخطة دي عاملة شوية مشاكل عند أصحاب المخابز والمطاحن اللي بدوا يخسروا بشكل كبير وحجتهم أنها بتأثر علي جودة رغيف الخبز .
الخطة اللي حطتها وزارة التموين والتجارة الدخلية لخلط الذرة مع القمح لانتاج رغيف الخبز المدعم بتنص علي خلط دقيق الذرة مع دقيق القمح بنسبة 1 إلى 4 بداية من أبريل 2025، والخطة دي هتوفر مليون طن قمح سنويا.
طيب هل حكاية خلط دقيق الذرة مع القمح لانتاج الخبز دي اتطبيق قبل كده ولا دي أول مرة؟.
حكاية خلط الدقيق المدعم بالذرة مش اول مرة تتطبق في مصر، وكانت موجودة قبل كده، والدولة وقفت العمل بيها بسبب المعارضة الشديدة اللي واجهتها الحكومة من الشعب واضطرت الدولة أنها توقف خلط الدقيق المدعم بالذرة .
خطة الدولة لخط دقيق الذرة بالدقيق المدعم بيستهدف توفير أكبر قدر ممكن من العملات الصعبة اللي بتدفعها مصر لاستيراد القمح وهيوصل التوفير اللي مصر بتدفعه في كل طن من 35 الي 40 دولار، خصوصا أن مصر عندها فائض كبير في انتاج الذرة ودخوها في انتاج دقيق العيش المدعم هيوفر مليارات الدولارات سنويا.
طيب التكلفة الاستيرادية اللي مصر بتدفعها لاستيراد القمح بتوصل لكام؟.
اغلب القمح اللي مصر بتستورده في الوقت الحالي بيكون من روسيا، ووصل سعر الطن في اخر مناقصة مصر وقعتها مع ورسيا لـ 220 دولارا للطن بأسعار السوق الحالية، وده رقم كبير خصوصا أن مصر بتستورد أكثر من 70% من جاحتها من السوق العالمية، وحاليا بيوصل الاستيراد المصري من القمح لـ 8.25 مليون طن سنويا علشان الدولة توفر الخبز المدعوم لأكثر من 70 مليون مصري، في حين بيوصل الانتاج المحلي من محصول القمح لـ3.5 مليون طن بيتم توريدهم من المزارعين المحليين ومصر بتستورد باقي احتياجاتها من الخارج.
إخلاء مسؤولية إن موقع مصر النهاردة يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق