يا ترى هل أسعار العقارات في مصر هتنزل الفترة الجاية ولا هتعلى، والتوقعات رايحة على فين، وإيه أكتر الأماكن اللي بتشهد أعلى نسب شراء الفترة دي وليه.. هنقولك كل التفاصيل في التقرير فتابعنا للآخر.
طبعا كلنا عارفين إن القطاع العقاري في العالم كله بيعتبر من أكتر القطاعات استفادة من تخفيض أسعار الفايدة، عشان كده في وقت صدور قرار البنك الفيدرالي الأمريكي بخفض الفائدة على الدولار بمقدار 50 نقطة أساس دفعة واحدة، حصلت ضجة كبير، وناس كتير اتوقعوا انخفاض أسعار العقارات عالميا وفي مصر كمان.
لكن اللي بيحصل إن الخطوة دي زودت التوقعات فعلا بتخفيض أسعار العقارات ببنسب تتراوح بين 0.75 و1% قريب جدا، وقياسا على السوق المصري، فاللي هيحصل إن السيولة الناتجة عن الودائع الدولارية في البنوك، هيتم توجيهها لقنوات استثمارية تانية، وجزء كبير منها هيتدفق للقطاع العقاري عشان يشهد رواج كبير في الفترة الجاية، خاصة مع تميزه بأنه بيدر عائد محترم بخلاف الذهب والعملات.
يعني الكلام ده معناه، إن أسعار العقارات في مصر بتعبر عن القيمة الحقيقية للوحدات سواء كانت تجارية أو سكنية أو إدارية، خاصة مع الطلب المتزايد على الوحدات السكنية في المدن الرئيسية، يعني بالمختصر كده مافيش حاجة اسمها "فقاعة عقارية" وإن أسعار الشقق أغلى من تكلفتها.
ونقدر تقول، إن سعر العقار دلوقتي مناسب للشراء، خاصة مع المميزات الكتيرة اللي بيتمتع بها القطاع وأهميته للاقتصاد القومي، لأنه بيساهم بأكثر من 20% من إجمالي الناتج المحلي، وبيعتبر مخزن جيد للقيمة وملاذ آمن للاستثمار زي الدهب كده بالظبط.
كمان، القطاع العقاري المصري بيستمد قوته وصلابته من ارتفاع الطلب المحلي، لأن في طلب سنوي بيزيد عت مليون وحدة سكنية نتيجة النمو السكاني، أما حجم سوق العقارات السكنية في مصر فيقدر بـ22 مليار دولار، ومن المتوقع جدا إنه يواصل النمو عشان يوصل ل 33.67 مليار دولار في سنة 2029، يعني بمعدل نمو سنوي بيتراوح بين 11 و15%.
ومن أهم محددات سعر العقارات في مصر، هو سعر الأرض، لأنها بتساهم في حوالي 30% على الأقل من سعر الوحدة السكنية، أما تكاليف الإنشاءات فبتساهم هي كمان بنسبة من 30 إلى 35% من سعر العقار، وبالتالي، في استقرار كبير في السوق العقاري في مصر، وفعليا القطاع لا يتعرض لأية صدمات قد تؤدي إلى أزمات، عشان يثبت أنه الاستثمار الأمثل
ضيف على ده، إن التنوع في أسعار العقارات والأراضي في مصر من أهم الحاجات اللي بتحدد سعر العقار، وده ببساطة لأن واسع ومتعدد، والنقطة دي بتعتبر أبرز مميزاته.
عشان كده، كل التوقعات رايحة لتحقيق مزيد من النمو في السوق العقاري في مصر، خاصة في ظل دعم المبادرات الحكومية والمشروعات القائمة في المدن الجديدة، اللي بتعتبر من أبرز المحركات الرئيسية للقطاع، عشان كده أسعار العقارات في المدن الجديدة بتحددها الطلب على الوحدات، خاصة مع الإقبال الكبير على الشراء من المصريين العاملين بالخارج.
إخلاء مسؤولية إن موقع مصر النهاردة يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق