قنص الجوائز العالمية رفيعة المستوى في عالم المصارف الدولية وحصد الألقاب بقت عادة مكررة في البنك التجاري الدولي CIB مصر واللي كل يوم بيحصد جائزة دولية مرموقة لتؤكد ريادته في مصر وافريقيا والشرق الأوسط والعالم كمان.. ايوا في العالم.. لأن الحوايز دي البنك التجاري الدولي بيفوز بيها بعد منافسة شرسة مع اكبر البنوك العالمية.
لو حضرتك مش مستوعب كلامنا من كام يوم البنك التجاري الدولي مصر حصد جايزة عالمية من بين 1000 بنك على مستوى العالم ودخل بيها قائمة الكبار عالميا وهي جايزة بتقول إن البنك التجاري الدولي فاز بلقب أقوي بنك في مصر لعام 2024 ضمن قائمة أقوى البنوك عالميا بـ14معيار حسب تقييم "TAB Global" ودخل التجاري الدولي القائمة وفقاً لمجموعة متنوعة من مؤشرات ومعايير التقييم المعروفة والمعتمدة دولياً لتقييم الأداء خلال فترة الدراسة لجميع البنوك حول العالم.. ودا بيقولك أن التجاري الدولي وقع اتفاقية توأمه مع التفرد والتميز والتطور والقوس مفتوح..
الجديد بقي إن مجلة فورشن العالمية منحت من ساعات البنك التجارى الدولى المركز التاسع عالمياً من حيث أثره على المجتمع... وعلى فكرة البنك احتل المركز دا ضمن القائمة السنوية اللي بتعدها مجلة فورشن العالمية واللي سلطت الضوء على أكتر من 50 شركة قدرت تخلق تأثير اجتماعي أو بيئي كبير في بلدها وعلى فكرة بردو البنك التجاري الدولي هو الكيان الإفريقي الوحيد في القايمة وكفاية تعرف إن قايمة المنافسين ضمت الشركات المالية الرائدة عالما زي Grab من سنغافورة وAlibaba من الصين، إلى جانب Philips وPuma من أوروبا دا غير 30 شركة من أمريكا الشمالية، و12 شركة من أوروبا، و8 شركات من آسيا وأستراليا، وشركة واحدة من إفريقيا، وشركة واحدة من أمريكا الجنوبية.
طيب ايه أهمية الجوايز العالمية دي..؟
طبعا اي جائزة عالمية معترف بيها بتكون زي تصنيف ايجابي اضافي لأي مؤسسة ودعاية مجانية للشركة أو البنك عالميا وبتخلق ثقة كبيرة بين البنك وبين كبار المستثمرين في العالم وفي نفس الوقت بتدلل الجوايز العالمية اللي بيحصدها البنك التجاري الدولي مثلا على قوة قطاع المصارف المصري وصلابة الاقتصاد المصري من ناحية تانية وبتحط قطاع البنوك المصرية في مرتبة عالية مرموقة.
وعلي فكرة الجوايز الدولية وخاصة في قطاع البنوك مش بتكون شرفية أو التكريم أو المجاملة ودا لأن المؤسسات المالية الدولية متعرفش المجاملة وبتحركها بس الأرقام والبيانات المعتمدة وتقارنها بآلاف البنوك في العالم وبناء عليه بتعتمد تصنيفات أقوى البنوك وتأثيرها محليا ودوليا حسب باقة تقييم واضحة وشفافة تصنف البنوك وكبرى الشركات المالية القابضة حسب معايير صارمة لأداء الميزانية العمومية؛ زي القدرة على التوسع، ونمو الميزانية العمومية، وملف المخاطر، والربحية، وجودة الأصول، والسيولة، ونوعية الخدمات المصرفية ونوع التكنولوجيا المستخدمة ومواكبتها للعصر.
عاوز تعرف ليه والبنك التجاري الدولي مصر CIB مختلف ومتميز محليا وعالميا .. بص كده على اخر أرقام اصدرها البنك وانت تعرف... فمثلا البنك حقق زيادة في قيمة الإيرادات المجمعة خلال الربع الأول من 2024 بنسبة 81% على أساس سنوي، ووصلت 24.429 مليار جنيه.
كمان صافي الربح المجمع بعد خصم حقوق الأقلية ارتفع خلال الربع التاني بنسبة 96% على أساس سنوي وسجل 15.623 مليار جنيه ووصلت الأرباح قبل خصم الضرائب إلى 20.928 مليار جنيه.
البنك التجاري الدولي سجل كمان صافي دخل من الفايدة بقيمة 22.737 مليار جنيه خلال الربع التاني من العام الجاري بنسبة زيادة 75% وفي نفس الوقت حقق صافي الدخل من غير الفايدة 1.692 مليار جنيه بزيادة 250% على أساس سنوي.
وبالنسبة للقروض وصل إجمالي القروض إلى الودائع بنهاية يونيو الماضي إلى 38.6% مقابل نسبة 38.4% في نهاية يونيو 2023 وسجل إجمالي الودائع في البنك بنهاية يونيو 858 مليار جنيه بزيادة 27% خلال النصف الأول من العام الجاري، مع معدل نمو حقيقي 8% عند استبعاد تأثير خفض قيمة الجنيه الذي حدث خلال شهر مارس، وأضاف إلى رصيد الودائع 118 مليار جنيه.
دي مش كل الأرقام دي مجرد أمثلة على قوة التجاري الدولي وعلى ثقة المؤسسات المالية العالمية وبتحل لغز إنه ليه هو الأفضل دائما وبتأكد إن أبناء هشام عز العرب مش مجرد مصرفيين لكن نوع مختلف ومتفرد من رجال البنوك.
إخلاء مسؤولية إن موقع مصر النهاردة يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق