كل الناس مترقبة حاليا اجتماع البنك المركزي خصوصا أن هياثر علي اسعار حاجات كتيرة جدا، واحد من اهم الحاجات دي هيا اسعار الدهب..، ياتري اية اللي بيحصل في اسعار الدهب بعد اجتماع لجنة السياسات النقدية بالبنك المركزي، وامتي الدهب هيوصل لـ4000 جنيه

اجتماع لجنة السياسيات النقدية بالبنك المركزي واللي هيكون بكرة هيتحدد عليه حاجات كتيرة جدا، واحد من الحاجات اللي هيتحدد عليها اسعار الفايدة هو سعر الدهب في الأسواق، خصوصا أن اول حاجة مرتبطة بسعر الفايدة هو سعر الذهب في مصر.
طيب اية اللي بيحصل في سعر المعدن الأصفر في مصر قبل اجتماع لجنة السياسات النقدية بالبنك المركزي؟.
من فترة بعيدة والدهب في مصر كل يوم في الطالع وسعره حاليا معدي 3600 جنيه للجرام 21 واللي هو معروف عنه أنه الأكثر انتشارا في الاسواق خصوصا في القري والنجوع والمحافظات، ومن يوم ما في اخبار خرجت عن احتمال يكون في قرار بخفض الفايدة في اجتماعات لجنة السياسات النقدية بالبنك المركزي، وكل ساعة اسعار الدهب بترفع عن الساعة اللي قبلها، وحاليا السعر وصل لرقم موصلش ليه من الايام اللي كانت قبل الاصلاحات الاقتصادية اللي قام بيها البنك المزكزي وخصوصا قرارات تحرير سعر الصرف بشكل مرن للعملات الاجنبيه مقابل الجنية المصري .
شعبة الدهب توقعت أن الدهب هيفضل يرتفع بارقام قياسية خلال الـ48 ساعة الجاية ولحد إعلان قرارات لجنة السياسات النقدية بالبنك المركزي خصوصا أن في ناس كتير بدأت تاخذ فلوسها من البنوك وتحطها في الدهب وده خلي في اقبال كبير قوي علي محلات الصاغة والمشغولات الذهبية وبالتالي السعر طالع ومكمل.
شعبة الدهب قالت أنه في حالة صدور قرار بخفض اسعار الفايدة، فسعر المعدن النفيس هيكمل طلوعه خلال الايام الجاية وهيعدي سعر الجرام 21 حاجز  4000 جنية خصوصا انه هيكون في اقبال اكتير من الاقبال الموجود دولوقتي نتيجة قيام ناس جديدة بسحب فلوسهم من البنوك والاتجاه للاستثمار في الذهب.
وفي حال صدور قرار من لجنة السياسات النقدية بتثبيت اسعار الفايدة، فاسعار الدهب هترجع تستقر تاني وبشكل مقبول خصوصا ان في نسبة كبيرة من الناس هتسيب فلوسها في البنوك زي ما هيا.