إيه أفضل مكان تحط فيه فلوسك وتضمن إنها تزيد كل شهر؟ طب لو قلتلك إنك ممكن تحقق فايدة شهرية وتستفيد من أعلى معدلات فائدة في السوق وده بس مع البنك التجاري الدولي.. وفي الفيديو ده هنتكلم عن الأنواع المختلفة من شهادات الادخار اللي بيقدمها البنك التجاري الدولي (CIB)، واللي بتعتبر من أحسن الطرق اللي ممكن تأمن بيها مستقبلك المالي، وكمان تحط فلوسك في أمان وتستفيد بأعلى عائد.

أول نوع من الشهادات بيقدمه البنك التجاري الدولي cib هو الشهادة ذات العائد المتغير.. ودي شهادة بتقدم عائد مرتبط بأسعار الإيداع لليلة الواحدة اللي بيحددها البنك المركزي. يعني ببساطة، لما البنك المركزي يرفع سعر الفايدة، العائد بتاعك هيزيد، ولو قلله، العائد هيقل برضه… سعر العائد الحالي 26% وده بناءً على سعر الإيداع اللي هو 27.25%. يعني الفايدة فعلاً عالية وبتستفيد منها كل شهر.

تخيل معايا، لو سعر الإيداع ارتفع 1%، العائد بتاعك هيرتفع هو كمان لـ 27%! ولو البنك المركزي قلل الفايدة 1%، العائد بتاعك هيبقى 25%. فده معناه إن الفلوس بتاعتك دايمًا في أمان والعائد بيتغير بناءً على سياسات البنك المركزي.

والبنك التجاري الدولي بيقدم شهادات الإيداع ذات العائد المتغير لمدة 3 سنوات بالعملة المحلية بمعدل فائدة سنوي استثنائي يبلغ 26% ودورية عائد يصرف شهريا والحد الأدنى للشراء 1,000 جنيه مصري.. وتقدر تسترد قيمة الشهادة فى اي وقت بعد مرور 6 شهور

النوع التاني الشهادة ذات العائد الثابت.. ولو انت من الناس اللي بتحب تستقر وتضمن إن الفايدة مش هتتغير مهما حصل في السوق، الشهادة ذات العائد الثابت هي الحل المثالي ليك.. الشهادات دي مدتها 3 سنين، وسعر الفايدة ثابت طول مدة الشهادة. وده بيضمنلك دخل ثابت كل شهر، من غير ما تقلق من أي تغييرات في الفايدة

الميزة الكبيرة في الشهادات دي إنها بتديك استقرار مالي طول فترة الشهادة، يعني مهما حصل في الاقتصاد، إنت عارف إن العائد بتاعك ثابت وهيوصلك بشكل منتظم

والنوع التالت اللى بيقدمه البنك التجاري الدولي هو شهادات الادخار بالعملة الأجنبية.. يعنى لو عندك فلوس بالدولار، اليورو، أو حتى الريال السعودي، CIB بيقدملك شهادات الادخار بالعملات الأجنبية..و الشهادات دي مدتها بتكون 3، 5، أو 7 سنين حسب احتياجاتك، وكمان تقدر تختار العملة اللي تناسبك..و الحد الأدنى للشراء 1000 دولار أو يورو، و5000 ريال سعودي أو درهم إماراتي.

الميزة هنا إنك بتستفيد من فوائد كويسة على العملة الأجنبية اللي معاك، وبتأمن فلوسك في بنك موثوق فيه زي CIB

طب إيه اللي يخلي شهادات CIB مميزة؟

البنك التجاري الدولي مش بس بيقدم شهادات ادخار بفوائد تنافسية.. لكن كمان بيوفر لك مرونة في اختيار الشهادة اللي تناسب احتياجاتك، سواء كنت عايز فايدة ثابتة أو متغيرة، أو حتى لو عايز تستثمر بعملة أجنبية… كمان الحد الأدنى لشراء الشهادات بيبدأ من 1000 جنيه بس، وده بيسهل على أي حد إنه يبدأ يستثمر ويحط فلوسه في أمان

لو بتدور على استثمار مضمون ويحقق لك عائد ثابت أو متغير، أو حتى لو عندك عملة أجنبية عايز تستثمرها، شهادات الادخار من CIB هتكون الاختيار الأمثل ليك